.png)
Беларуская чыгунка за 7 месяцаў 2023 года перавезла больш за 1,5 мільёна пасажыраў у міжнародных зносінах
02 жніўня 2023
Паводле аператыўных даных у студзені – ліпені 2023 года аб'ём перавозак пасажыраў у зносінах з Расійскай Федэрацыяй склаў 1533,7 тыс. пасажыраў, што на 6,2% вышэй за ўзровень аналагічнага перыяду 2022 года.
Самымі папулярнымі чыгуначнымі напрамкамі па-ранейшаму з'яўляюцца Масква і Санкт-Пецярбург. На долю перавозак паміж Беларуссю і двума найбуйнейшымі гарадамі Расіі прыпадае амаль 87% прамых міжнародных зносін, або больш за 1180 тыс. пасажыраў.
Звяртаем увагу, што да канца верасня ў зносінах з Санкт-Пецярбургам Беларускай чыгункай прызначаны дадатковы цягнік міжнародных ліній № 250/249 Мінск – Санкт-Пецярбург – Мінск. Дадзены цягнік адпраўляецца з Мінска па чацвяргах і суботах у 19:15, а з Санкт-Пецярбурга – па пятніцах і нядзелях у 20:13. Таксама ў складзе гэтага цягніка курсіруе прычапны вагон Мінск – Пскоў.
Акрамя таго, штотыдзень курсуюць цягнікі № 66/65 Мінск – Мурманск і № 366/365 Мінск – Архангельск. Улетку дадзены напрамак асабліва папулярны ў аматараў турызму і жадаючых атрымаць асалоду ад суровайі прыгажосці рускай Поўначы ў самую гарачую пару года.
У цэлым у цяперашні час паміж Рэспублікай Беларусь і Расійскай Федэрацыяй арганізаваны рэгулярныя пасажырскія зносіны ў напрамку Масквы, Санкт-Пецярбурга, Адлера, Калінінграда, Мурманска, Архангельска, Анапы і Самары. Штотыдзень паміж дзвюма дзяржавамі курсіруюць каля 150 цягнікоў.
Больш падрабязную інфармацыю аб графіку руху цягнікоў, кошту праезду і наяўнасці праязных дакументаў можна атрымаць на афіцыйным інтэрнэт-сайце www.rw.by, з дапамогай афіцыйнага мабільнага дадатку «БЧ. Мой поезд» і па тэлефоне Кантакт-цэнтра Беларускай чыгункі 105 (падтрымка пасажыраў, якія знаходзяцца за межамі Рэспублікі Беларусь, па тэлефоне +375 222 39 25 47).
Інфармацыя падрыхтавана прэс-цэнтрам БЧ
