З 12 снежня Беларускай чыгункай уводзіцца ў дзеянне графік руху цягнікоў на 2021-2022 гады

02 снежня 2021

Беларускай чыгункай з 12 снежня 2021 года ўводзіцца графік руху цягнікоў на 2021-2022 гады, які сфарміраваны на падставе маніторынгу попыту на перавозкі, напрамкаў пераважных пасажырапатокаў, а таксама выканання патрабаванняў сістэмы дзяржаўных сацыяльных стандартаў па абслугоўванні насельніцтва ў галіне транспарту. З улікам гэтага, а таксама ў выніку праведзенай сумеснай работы з аблвыканкамамі па аптымізацыі памераў руху на малаінтэнсіўных участках і арганізацыі рэгулярных аўтамабільных перавозак у новым графіку прадугледжана курсіраванне 272 пар цягнікоў рэгіянальнага эканомкласа.

Асаблівая ўвага пры фарміраванні новага графіка была нададзена развіццю і ўзмацненню транспартных сувязяў рэгіёнаў рэспублікі, у тым ліку за кошт планавай рэалізацыі інфраструктурных праектаў і паступлення новага рухомага саставу.

Так, у міжрэгіянальных зносінах бізнес-класа з улікам задзейнічання пяцівагонных электрацягнікоў ЭПМ, якія зноў паступілі з больш высокімі спажывецкімі якасцямі прадугледжана іх курсіраванне на такіх запатрабаваных кірунках, як Мінск–Гомель і Мінск–Брэст. Гэты рухомы састаў будзе абслугоўваць цягнікі №701/702 Мінск–Брэст, №№715, 716, 739, 747, 748 Мінск–Гомель. Пры гэтым вызвалены рухомы састаў ЭПР будзе задзейнічаны ў абслугоўванні маршрутаў цягнікоў міжрэгіянальных і рэгіянальных ліній бізнес-класа.

Адным з новаўвядзенняў графіка руху на 2021/2022 гг. з'яўляецца павелічэнне памераў руху міжрэгіянальных ліній бізнес-класа ў зносінах Мінск–Гомель па перадвыхадных, выхадных і святочных днях. Так, новы цягнік №756 Мінск–Гомель будзе адпраўляцца з Мінска ў 19.36 прыбыццём у Гомель у 23.18 (па пятніцах, суботах і нядзелях) з прыпынкамі па станцыях Пухавічы, Асіповічы, Бабруйск, Жлобін і Буда-Кашалёўская. У зваротным кірунку цягнік №755 Гомель–Мінск будзе адпраўляцца з горада над Сожам у 4.43 і прыбываць у Мінск у 7.53 (у суботу, нядзелю і панядзелак) з такімі ж прыпынкамі.

Пашырэнне маршрутнай сеткі закранула і рэгіянальныя лініі бізнес-класа за кошт падаўжэння маршруту Мінск–Светлагорск да Калінкавічаў (пасля заканчэння электрыфікацыі ўчастка Светлагорск–Калінкавічы) і арганізацыі маршруту Мінск–Жлобін. Таксама будзе павялічана колькасць месцаў у цягніках рэгіянальных ліній бізнес-класа Мінск–Орша за кошт задзейнічання рухомага саставу ЭПР у пяцівагонным выкананні.

Пры фарміраванні маршрутнай сеткі ў рамках Саюзнай дзяржавы чыгуначныя адміністрацыі дзвюх краін падышлі з улікам патрэбнасці насельніцтва ў паездках у дзённы або ў начны час, а таксама далёкасці паездкі. З 12 снежня прадугледжваецца захаванне маршрутаў на пасажыраўтваральных кірунках, такіх, як Масква, Санкт-Пецярбург, Адлер, у тым ліку з арганізацыяй шматгрупных цягнікоў. У цяперашні час Беларуская чыгунка працягвае работу з ААТ «РЖД» па прызначэнні цягнікоў да Мурманска, Архангельска, Анапы, Мінеральных Вод і Кіславодска.

Больш падрабязную інфармацыю аб графіку руху цягнікоў, кошту і правілах праезду можна атрымаць на сайце pass.rw.by, з дапамогай афіцыйнага мабільнага дадатку «БЧ. Мой поезд» і па тэлефоне Кантакт-цэнтра Беларускай чыгункі 105 (падтрымка пасажыраў, якія знаходзяцца па-за межамі Рэспублікі Беларусь, па тэлефоне +375 222 39 25 47).

Інфармацыя падрыхтавана прэс-цэнтрам БЧ