Беларуская чыгунка забяспечыла своечасовы пропуск і тэрмінальную апрацоўку першага кантэйнернага цягніка з Кітая ў Еўропу па адзіным скразным раскладзе

08 лістапада 2022

26 кастрычніка 2022 года па маршруце Сіань–Дуйсбург адпраўлены першы кантэйнерны цягнік па распрацаваным адзіным раскладзе руху, які забяспечвае сінхранізацыю часу паступлення, перагруза, перадачу па стыкавых пунктах і праследаванне па ўсіх участках чыгунак каляіны 1435 мм і 1520 мм.

Першы пілотны кантэйнерны цягнік у рамках укаранёнага адзінага скразнога раскладу паступіў на Беларускую чыгунку 2 лістапада 2022 года.

Усе тэхналагічныя аперацыі ад прыёму да гатоўнасці перадачы праведзены на беларускім участку маршруту менш чым за суткі. Час тэрмінальнай апрацоўкі, перагрузкі кантэйнераў з вагонаў каляіны 1520 мм на вагоны каляіны заходняга стандарту 1435 мм, праходжання мытнага і іншых відаў кантролю на беларуска-польскай мяжы склала менш за 9 гадзін.

3 лістапада 2022 года са станцыі Брэст-Паўночны цягнік адправіўся ў Заходнюю Еўропу па каляіне 1435 мм.

Акрамя таго, цягнік абсталяваны GPS лакатарам, які працуе з кітайскай спадарожнікавай навігацыйнай сістэмы Beidou, якая функцыянуе па ўсім свеце. Кліенты, якія перавозяць свае тавары ў Еўропу, могуць у рэжыме рэальнага часу кантраляваць іх дыслакацыю.

Названы праект рэалізаваны ў рамках далейшага развіцця бізнесу кантэйнерных перавозак сумесна з чыгуначнымі кампаніямі Кітая, Расіі, Казахстана, Беларусі і Заходняй Еўропы.

Адзіны графік руху кантэйнерных цягнікоў паміж Кітаем і Еўропай будзе паэтапна ўводзіцца з мэтай забеспячэння лагістычных патрэбаў кліентаў і павышэння якасці паслуг.

Інфармацыя падрыхтавана прэс-цэнтрам БЧ