Беларуская чыгунка падвяла вынікі дзейнасці добраахвотных дружын па ахове правапарадку ў 2022 годзе

29 сакавіка 2023

28 сакавіка 2023 года ва Упраўленні Беларускай чыгункі адбылася сумесная нарада прадстаўнікоў беларускай магістралі і органаў унутраных спраў, на якой былі падведзены вынікі дзейнасці добраахвотных дружын па ахове правапарадку на Беларускай чыгунцы ў 2022 годзе. Удзельнікі сустрэчы таксама разгледзелі шэраг актуальных пытанняў па далейшым удасканаленні іх дзейнасці ў арганізацыях Беларускай чыгункі, абмяняліся вопытам і намецілі меры па павышэнні эфектыўнасці ўзаемадзеяння добраахвотных дружын з праваахоўнымі органамі.

Начальнік аддзела арганізацыі забеспячэння грамадскай бяспекі на аб'ектах транспарту МУС Рэспублікі Беларусь Генадзь Ворса адзначыў высокі ўзровень падрыхтоўкі членаў добраахвотных дружын Беларускай чыгункі і падзякаваў за аказанае садзейнічанне праваахоўным органам у забеспячэнні грамадскага парадку на аб'ектах чыгуначнага транспарту.

Начальнік агульнатэхнічнай службы Упраўлення Беларускай чыгункі Ігар Андросаў выказаў упэўненасць, што аб'яднанне намаганняў праваахоўных органаў і добраахвотных дружын і ў далейшым будзе садзейнічаць зніжэнню колькасці злачынстваў і правапарушэнняў на аб'ектах БЧ.

Таксама падчас нарады былі названы пераможцы агляду-конкурсу на лепшую добраахвотную дружыну, лепшага камандзіра добраахвотнай дружыны і лепшага дружынніка сярод аддзяленняў Беларускай чыгункі.

У намінацыі «Лепшая добраахвотная дружына» перамогу атрымала дружына Магілёўскай дыстанцыі грамадзянскіх збудаванняў, ёй уручаны пераходны кубак і Дыплом 1-й ступені. На другім месцы добраахвотная дружына Баранавіцкай дыстанцыі пуці. Трэцяе месца прысуджана добраахвотнай дружыне Гомельскага аддзялення Беларускай чыгункі.

Лепшым камандзірам добраахвотнай дружыны Беларускай чыгункі была прызнана аператар дыспетчарскай руху і пагрузачна-разгрузачных работ Магілёўскай дыстанцыі грамадзянскіх збудаванняў Таццяна Шыпава. Другое месца прысуджана аператару па пуцявых вымярэннях Баранавіцкай дыстанцыі пуці Віталю Шлейка. Трэцяга месца ўдастоены начальнік сектара ідэалогіі і сацыяльна-культурнай работы Гомельскага аддзялення БЧ Сяргей Кузняцоў.

У намінацыі «Лепшы дружыннік» пераможцамі сталі 12 чыгуначнікаў.

На Беларускай чыгунцы надаецца вялікая ўвага пытанню прыцягнення працоўных калектываў да аховы грамадскага парадку і прафілактыцы правапарушэнняў, удасканаленню механізму дзейнасці добраахвотных дружын на аб'ектах чыгуначнага транспарту, павышэнню эфектыўнасці іх работы.

У цяперашні час у арганізацыях БЧ дзейнічаюць 55 добраахвотных дружын. Агульная колькасць членаў добраахвотных дружын складае больш за 400 чалавек.

У 2022 годзе членамі добраахвотных дружын сумесна з супрацоўнікамі органаў унутраных спраў здзейснена больш за 26 тысяч выхадаў, суправоджана больш за 2,5 тысячы пасажырскіх цягнікоў, якія ідуць па тэрыторыі рэспублікі, прыняты ўдзел у больш чым 600 рэйдавых мерапрыемствах, пры правядзенні якіх затрымана больш за 1700 правапарушальнікаў.

Інфармацыя падрыхтавана прэс-цэнтрам БЧ