.png)
Карпаратыўныя навіны
Студзень
-
31 студзеня 2023У 2022 годзе да адміністрацыйнай адказнасці за безбілетны праезд у цягніках прыцягнута больш за 7,4 тысячы грамадзян
За 2022 год кантралёры-рэвізоры Беларускай чыгункі праверылі выкананне правіл праезду ў 52 тысячах цягнікоў. Асноўная ўвага надавалася цягнікам гарадскіх і рэгіянальных ліній эканомкласа, на долю якіх прыйшлося 96% ад агульнай колькасці праведзеных праверак. Па выніках кантрольных мерапрыемстваў было спагнана штрафу і тарыфу на суму 241,1 тыс. рублёў.
Чытаць далей… -
30 студзеня 202327 студзеня на тэхніка-эканамічным савеце ў Мінску разгледзелі вынікі дзейнасці Беларускай чыгункі ў 2022 годзе і намецілі перспектыўныя напрамкі яе развіцця на 2023 годВынікі дзейнасці Беларускай чыгункі ў 2022 годзе, асноўныя напрамкі яе эканамічнага, вытворчага і сацыяльнага развіцця на 2023 год былі разгледжаны 27 студзеня на выніковым пасяджэнні тэхніка-эканамічнага савета БЧ, якое адбылося ва Упраўленні Беларускай чыгункі.
У мерапрыемстве прынялі ўдзел намеснік Прэм'ер-міністра Рэспублікі Беларусь Анатоль Сівак, Міністр транспарту і камунікацый Рэспублікі Беларусь Аляксей Аўраменка, старшыня Пастаяннай камісіі Палаты Прадстаўнікоў Нацыянальнага сходу Рэспублікі Беларусь па прамысловасці, паліўна-энергетычным комплексе, транспарце і сувязі Ігар Камароўскі, кіраўнікі і прадстаўнікі органаў дзяржаўнай улады і кіравання, службаў і арганізацый Беларускай чыгункі, галіновай прафсаюзнай арганізацыі, а таксама дзелавыя партнёры.
З асноўным дакладам па парадку дня выступіў Начальнік Беларускай чыгункі Уладзімір Марозаў. Ён падзякаваў калектыў чыгункі за добрасумленную і адказную працу і праінфармаваў прысутных аб выніках работы чыгуначнага транспарту за 2022 год, акрэсліў асноўныя задачы па забеспячэнні ўстойлівага развіцця Беларускай чыгункі на 2023 год.
Як расказаў Уладзімір Марозаў, мінулы год быў няпростым для Беларускай чыгункі, яна вымушана была работать у беспрэцэдэнтных умовах уплыву знешніх геапалітычных фактараў, што запатрабавала прыняцця дынамічных, гнуткіх, часта нестандартных рашэнняў, накіраваных на якаснае забеспячэнне патрэбнасці прадпрыемстваў і насельніцтва ў перавозках, стабілізацыю фінансавага становішча. Аператыўныя меры рэагавання далі магчымасць у цэлым забяспечыць надзейную эксплуатацыйную работу, інвестыцыйнае развіццё, сацыяльную абароненасць работнікаў, а таксама захаваць калектыў беларускай магістралі.
Чытаць далей… -
27 студзеня 2023З намі па дарозе! У 2022 годзе кліентамі турыстычнага цэнтра «Дартур» Беларускай чыгункі сталі амаль 9 тысяч чалавекТурыстычны цэнтр «Дартур» – спецыялізаваны аператар па чыгуначных турах на ўнутраным і міжнародным рынку.
У Год гістарычнай памяці турыстычным цэнтрам «Дартур» Беларускай чыгункі была арганізавана вялікая колькасць экскурсійных пазнавальных маршрутаў з магчымасцю наведаць славутасці ўсіх абласцей Рэспублікі Беларусь, у тым ліку з праездам на рэгулярных цягніках рэгіянальных і міжрэгіянальных ліній.
У маршрутах з'явіліся не толькі знакавыя і папулярныя месцы і культурныя аб'екты, але і невялікія мястэчкі і вёсачкі, а таксама разнастайныя аграсядзібы з дэгустацыйнымі праграмамі і прэзентацыямі беларускіх народных абрадаў і традыцый. Асаблівай папулярнасцю ў 2022 годзе карыстаўся экатурызм з улікам разнастайнасці прыроднага багацця нашай краіны.
Традыцыйна на майскія святы сумесна з галіновымі прафсаюзамі Беларускай чыгункі быў рэалізаваны патрыятычны праект «Скрозь гады звініць перамога», у рамках якога арганізавана паездка на цягніку па маршруце Мінск – Брэст – Мінск з наведваннем мемарыяльнага комплексу «Брэсцкая крэпасць-герой», ускладаннем кветак да Вечнага агню, святочным канцэртам у музеі чыгуначнай тэхнікі і музычнай тэматычнай праграмай на зваротнай дарозе «Спаёмце, сябры».
Чытаць далей… -
24 студзеня 2023У здраўніцах Беларускай чыгункі ў 2022 годзе аздаравіліся больш за 21 тысячу чалавекНа працягу 2022 года ў санаторыях і аздараўленчых цэнтрах Беларускай чыгункі аздаравіліся 21,2 тыс.чалавек, што на 13,8% больш, чым у 2021 годзе.
Чытаць далей… -
23 студзеня 2023Беларуская чыгунка правяла ў Брэсце семінар-нараду па ахове працыПытанні аховы працы і прамысловай бяспекі на Беларускай чыгунцы абмеркавалі 19-20 студзеня 2023 года ў ходзе семінара-нарады ў г.Брэсце. Мерапрыемства прайшло пад кіраўніцтвам галоўнага інжынера Беларускай чыгункі Сяргея Навадворскага.
У канферэнц-зале вакзала станцыі Брэст-Цэнтральны сабралася кіраўніцтва службы аховы працы і прамысловай бяспекі, галоўныя інжынеры, начальнікі аддзелаў аховы працы і прамысловай бяспекі аддзяленняў чыгункі, кіраўнікі прадпрыемстваў і структурных падраздзяленняў магістралі, адказныя за ахову працы, прадстаўнікі прафсаюзаў і профільных ведамстваў. Акрамя таго, у мерапрыемстве прымалі ўдзел расійскія калегі – начальнік Дэпартамента экалогіі і тэхнасфернай бяспекі ААТ «РЖД» Андрэй Лісіцын, галоўны інжынер Маскоўскай чыгункі – філіяла ААТ «РЖД» Дзмітрый Шустаў, начальнік службы аховы працы і прамысловай бяспекі Кастрычніцкай чыгункі – філіяла ААТ «РЖД» Аляксандр Іваноў. Таксама ў фармаце відэасувязі ўдзел у семінары-нарадзе прымалі прадстаўнікі вядучых службаў і арганізацый БЧ.
У ходзе мерапрыемства былі падведзены вынікі дзейнасці па ахове працы, прамысловай і электрабяспецы, невытворчым траўматызме на Беларускай чыгунцы ў 2022 годзе, распрацаваны напрамкі ўдасканалення сістэмы кіравання аховай працы. Таксама былі прыняты рашэнні па ажыццяўленню ў 2023 годзе комплексу мерапрыемстваў, накіраваных на зніжэнне рызык траўміравання, захаванне жыцця і здароўя работнікаў у працэсе працоўнай дзейнасці.
Чытаць далей… -
18 студзеня 2023Ва Упраўленні Беларускай чыгункі адбылася дыялогавая пляцоўка на тэму: «Міралюбнасць і стваральная праца – каштоўнасныя арыенціры беларускага народа»18 студзеня 2023 года ва Упраўленні Беларускай чыгункі адбылася дыялогавая пляцоўка на тэму: «Міралюбнасць і стваральная праца – каштоўнасныя арыенціры беларускага народа» з удзелам дэпутатаў Палаты прадстаўнікоў Нацыянальнага сходу Рэспублікі Беларусь Таццяны Сайганавай і Марыны Шкроб, старшага навуковага супрацоўніка Інстытута эканомікі НАН Рэспублікі Беларусь Альбіны Сібірскай, навуковага супрацоўніка Інстытута філасофіі НАН Рэспублікі Беларусь Пятра Пятроўскага і старшыні Ленінскай раённай арганізацыі г.Мінска РГА «Белая Русь» Аляксея Сегаловіча. У мерапрыемстве таксама прынялі ўдзел намеснік Начальніка Беларускай чыгункі Пётр Стоцкі і старшыня Аб'яднанай галіновай прафсаюзнай арганізацыі чыгуначнікаў і транспартных будаўнікоў Віктар Какора.
Выступаючы перад працоўным калектывам Упраўлення Беларускай чыгункі, навуковы супрацоўнік Інстытута філасофіі НАН Рэспублікі Беларусь Пётр Пятроўскі адзначыў важнасць абвяшчэння 2023 года ў Беларусі – Годам міру і стварэння, а таксама падрабязна расказаў аб бягучай геапалітычнай абстаноўцы, ролі і пазіцыі Рэспублікі Беларусь на сусветнай арэне з улікам яе інтарэсаў.
У сваю чаргу старшы навуковы супрацоўнік Інстытута эканомікі НАН Рэспублікі Беларусь Альбіна Сібірская праінфармавала пра ўплыў глабальных грамадска-палітычных працэсаў на сусветную эканоміку і эканоміку нашай краіны, змяненні вектара эканамічнага супрацоўніцтва і пераарыентацыі экспарту беларускай прадукцыі на новыя рынкі збыту.
Чытаць далей… -
16 студзеня 2023Беларуская чыгунка падвяла вынікі ўдзелу ў навагодняй дабрачыннай акцыі «Нашы дзеці»З 15 снежня 2022 года па 15 студзеня 2023 года ў рамках навагодняй дабрачыннай акцыі «Нашы дзеці» прадстаўнікі арганізацый Беларускай чыгункі і Аб'яднанай галіновай прафсаюзнай арганізацыі чыгуначнікаў і транспартных будаўнікоў наведалі больш за 50 розных устаноў ва ўсіх рэгіёнах Беларусі: дзіцячыя дамы, дашкольныя ўстановы, школы, сацыяльна-педагагічныя цэнтры, пабывалі ў гасцях у шматдзетных і малазабяспечаных сем'яў.
Чытаць далей… -
13 студзеня 2023Відэанавіны Беларускай чыгункі, снежань 2022 - студзень 2023 (152 выпуск)
– «Чыгуначныя вакзалы Беларусі» – цырымонія гашэння асаблівага паштовага праекта адбылася ў Гродна.
– Падпісана палажэнне аб вытворчым спаборніцтве паміж калектывамі Беларускай чыгункі, Маскоўскай і Кастрычніцкай чыгунак – філіялаў ААТ «РЖД».
– Урачысты сход, прысвечаны 160-годдзю Беларускай чыгункі, адбыўся ў Вялікім тэатры оперы і балета Беларусі.
– Да юбілею магістралі лепшым работнікам уручылі галіновыя ўзнагароды.
Чытаць далей… -
12 студзеня 2023Беларуская чыгунка падвяла вынікі конкурсу маладзежных ініцыятыў сярод работнікаў магістралі ў 2022 годзеКонкурс маладзёжных ініцыятыў арганізаваны ў мэтах рэалізацыі дзяржаўнай маладзёжнай палітыкі на Беларускай чыгунцы, развіцця інтэлектуальных і творчых здольнасцяў моладзі, а таксама выяўлення і ўкаранення на беларускай магістралі інавацыйных ідэй і праектаў, якія прадстаўляюць практычны інтарэс, пастаяннага павышэння прафесійнага ўзроўню моладзі.
Чытаць далей… -
09 студзеня 2023«Навагодні Экспрэс-2023» дзіцячай чыгункі перавёз больш за 7300 пасажыраўДзіцячая чыгунка ім. К.С. Заслонава завяршыла навагоднія перавозкі. З 23 снежня 2022 года па 8 студзеня 2023 года «Навагодні Экспрэс-2023» быў адкрыты для ўсіх жадаючых адправіцца са станцыі Заслонава ў навагодняе чыгуначнае падарожжа. Гасцей у вагонах суправаджалі героі вядомых казак, а на станцыі Сасновы Бор для дзяцей і іх бацькоў былі арганізаваны тэатралізаваныя паказы.
Чытаць далей… -
05 студзеня 2023Беларуская чыгунка падвяла вынікі творчых конкурсаў сярод студэнтаў БелДУТа і навучэнцаў чыгуначных каледжаў
Конкурсы прэзентацый «Ганаруся сваёй будучай прафесіяй», сачыненняў і эсэ на тэму: «Беларуская чыгунка: 160 гадоў шляху – час, падзеі, людзі», «Чыгунка ў літаратуры і мастацтве» адбыліся ў рамках 160-гадовага юбілею беларускай магістралі і Года гістарычнай памяці.
Чытаць далей… -
04 студзеня 2023Беларуская чыгунка падвяла вынікі мерапрыемства «Дзеці і бяспека»
З 15 па 25 снежня 2022 года на ўсіх аддзяленнях Беларускай чыгункі надалі павышаную ўвагу папярэджанню і прафілактыцы дзіцячага траўматызму. У ходзе акцыі чыгуначнікі сумесна з членамі грамадскіх фарміраванняў, супрацоўнікамі органаў унутраных спраў правялі 326 рэйдаў. Паблізу чыгуначных пуцей, на вакзалах, станцыях і ў цягніках былі выяўлены 36 школьнікаў, якія знаходзіліся на тэрыторыі аб'ектаў чыгуначнага транспарту без нагляду дарослых. Яшчэ 7 падлеткам зрабілі заўвагу за размовы па мабільным і выкарыстанне навушнікаў пры знаходжанні на аб'ектах чыгункі. Акрамя таго, падлеткам і іх бацькам нагадалі аб правілах паводзін на чыгунцы – падчас выступленняў на прадпрыемствах і ў навучальных установах, размешчаных побач з чыгункай атрымалася ахапіць 2000 дарослых і больш за 16 000 падлеткаў, таксама ўдзельнікі акцыі распаўсюдзілі больш за 7500 памятак.
Чытаць далей…
