.png)
Больш за 1 мільён тон буракоў перавезла Беларуская чыгунка з пачатку ўборачнай кампаніі 2022 года
30 лістапада 2022
Беларуская чыгунка ўжо перавезла 1,1 млн тон цукровых буракоў, што на 14% больш, чым за аналагічны перыяд мінулага года.
У гэтым годзе Беларуская чыгунка ажыццяўляе перавозку салодкіх караняплодаў на Слуцкі цукрарафінадны і Гарадзейскі цукровы камбінаты, а таксама на Жабінкаўскі цукровы завод.
У цяперашні час пагрузка працягваецца, яе штосутачны аб'ём складае звыш 300 вагонаў.
Беларуская чыгунка традыцыйна ўносіць уклад у ўборку цукровых буракоў. Масавая перавозка караняплодаў чыгуначным транспартам на айчынныя цукровыя заводы ажыццяўляецца з верасня па снежань. Такі графік абумоўлены тэхналогіяй вырошчвання і захоўвання буракоў, а таксама магутнасцямі прадпрыемстваў па яе перапрацоўцы.
Інфармацыя падрыхтавана прэс-цэнтрам БЧ
