Дарагія жанчыны! Паважаныя ветэраны і працаўніцы Беларускай чыгункі!
14 кастрычніка 2022
Прыміце самыя сардэчныя віншаванні з цудоўным святам – Днём маці!
Сярод шматлікіх дат, якія адзначаюцца ў нашай краіне, гэты дзень займае асаблівае месца. Ён дапамагае ўсвядоміць святасць найважнейшай місіі жанчыны, звязанай з нараджэннем і выхаваннем дзяцей, яе неацэнную ролю ў захаванні і ўмацаванні сямейных традыцый і духоўных каштоўнасцей беларускага народа.
Матчына любоў з калыскі сагравае і засцерагае кожнага з нас, дапамагаючы пераадольваць усе жыццёвыя нягоды, і верыць толькі ў добрае. На працягу ўсяго жыццёвага шляху нам неабходны мамін ласкавы погляд і яе добрае слова, мудры савет і цяпло родных рук.
Асаблівыя словы ўдзячнасці заслугоўваюць працаўнікі сталёвай магістралі, якія прыўносяць у нашу работу высокую культуру і гармонію, з'яўляючыся прыкладам адказнага, добрасумленнага і прафесійнага выканання сваіх службовых абавязкаў.
Мы шчыра ганарымся працоўнымі перамогамі работніц чыгуначнага транспарту старэйшага пакалення, беражліва захоўваючы слаўныя традыцыі і гісторыю Беларускай чыгункі. Нізкі паклон і вялікая ўдзячнасць нашым паважаным жанчынам-ветэранам.
Дарагія мамы! У гэты святочны дзень няхай для ўсіх вас гучаць толькі самыя цёплыя словы за ту нястомную працу, любоў і пяшчоту, якія вы штодня дарыце сваім родным і блізкім. Няхай дзеці заўсёды апраўдваюць вашы бацькоўскія надзеі, грэючы душэўным цяплом і акружаючы клопатам.
Ад усёй душы жадаем вам моцнага здароўя, міру і шчасця, сямейнага дабрабыту і выканання самых запаветных жаданняў!
Начальнік Беларускай чыгункі У.М. Марозаў
прафсаюзнай арганізацыі чыгуначнікаў
і транспартных будаўнікоў В.М. Какора
Старшыня Арганізацыі ветэранаў
Беларускай чыгункі С.П. Гогалеў
Да спісу навін за 2022 год