Сельскагаспадарчыя прадпрыемствы Беларускай чыгункі працягваюць уборку ўраджаю збожжавых культур

16 жніўня 2022

У складзе Беларускай чыгункі дзейнічаюць шэсць сельскагаспадарчых прадпрыемстваў: «Рачкавічы», «Свіцязь», «Радзежскае», «Авангард», «Выдрэя» і «Улішыцы-Агра».

У цяперашні час убрана 58,1% плошчаў збожжавых і зернебабовых культур, або больш за 5,7 тыс. га, намалочана больш за 25 тыс. тон збожжа пры сярэдняй ураджайнасці 43,8 ц/га. У 2021 годзе сярэдняя ўраджайнасць складала 34,2 ц/га.

У сельскагаспадарчым прадпрыемстве «Рачкавічы» першымі сярод гаспадарак магістралі і першымі ў Слуцкім раёне завяршылі ўборку збожжавых культур. Па аператыўных даных агульны намалот збожжавых сёлета склаў 14 845 тон – гэта самы высокі паказчык у гісторыі сельгаспрадпрыемства.

16 жніўня 2022 года ў аграгарадку Лядна Слуцкага раёна адбылася ўрачыстая цырымонія ўшаноўвання камбайнераў і кіроўцаў СХП «Рачкавічы», якія дасягнулі высокіх вынікаў падчас уборачнай кампаніі. У ходзе мерапрыемства 25 работнікаў СГП «Рачкавічы» атрымалі каштоўныя падарункі ад кіраўніцтва БЧ. Акрамя таго, кожнаму хлебаробу ўручылі каравай, выпечаны з мукі ўраджаю 2022 года.

Таксама ідзе да завяршэння ўборка збожжавых і зернебабовых у СГП «Радзежскае».

У лідарах па ўраджайнасці СГП «Рачкавічы» – 61,7 ц/га і СГП «Авангард» – 42,2 ц/га.

У перыяд уборачнай кампаніі ўсебаковую дапамогу сельгасарганізацыям аказваюць прадпрыемствы Беларускай чыгункі.

Акрамя таго, у сельскагаспадарчых прадпрыемствах БЧ працягваецца нарыхтоўка травяных кармоў для буйной рагатай жывёлы на зімова-стойлавы перыяд. Ужо назапашана 19,6 тыс. тон кармавых адзінак (44,1% да плана).

Інфармацыя падрыхтавана прэс-цэнтрам БЧ