Станцыя Мінск-Пасажырскі Беларускай чыгункі ўдастоена Прэміі Урада Рэспублікі Беларусь у галіне якасці

15 чэрвеня 2022

Цырымонія ўзнагароджання пераможцаў конкурсу на суісканне Прэміі Урада за дасягненні ў галіне якасці 2021 года адбылася 15 чэрвеня 2022 года ў Палацы Рэспублікі ў Мінску.

Заслужаныя ўзнагароды 29 арганізацыям нашай краіны за дасягненне значных вынікаў у галіне якасці і канкурэнтаздольнасці вырабляемай прадукцыі, аказваемых паслуг або выкананых работ, укараненне інавацыйных тэхналогій і сучасных метадаў менеджменту ўручыў намеснік Прэм'ер-міністра Рэспублікі Беларусь Юрый Назараў.

Сярод лаўрэатаў конкурсу – станцыя Мінск-Пасажырскі Мінскага аддзялення Беларускай чыгункі.

Станцыя Мінск-Пасажырскі з'яўляецца адной з найбуйнейшых на Беларускай чыгунцы. Штосутачна са станцыі адпраўляюцца каля 120 цягнікоў і больш за 25 тысяч пасажыраў.

Станцыя Мінск-Пасажырскі ўжо станавілася лаўрэатам Прэміі Урада Рэспублікі Беларусь у галіне якасці. Упершыню прэстыжнай узнагароды яна была ўдастоена ў 2004 годзе.

26 студзеня 2023 года станцыя Мінск-Пасажырскі адзначыць сваё 150-годдзе.

Інфармацыя падрыхтавана прэс-цэнтрам БЧ