Кіраўнікі Беларускай чыгункі Уладзімір Марозаў і ААТ «РЖД» Алег Белазёраў абмеркавалі перспектывы далейшага супрацоўніцтва

23 чэрвеня 2022

21 чэрвеня 2022 года ў Маскве адбылася рабочая сустрэча Начальніка Беларускай чыгункі Уладзіміра Марозава з генеральным дырэктарам – старшынёй праўлення ААТ «РЖД» Алегам Белазёравым.

У рамках мерапрыемства абмеркаваны пытанні супрацоўніцтва па арганізацыі перавозак грузаў чыгуначным транспартам паміж Рэспублікай Беларусь і Расійскай Федэрацыяй, у тым ліку перспектыўныя транспартна-лагістычныя схемы дастаўкі грузаў з улікам заявак беларускіх і расійскіх грузаадправіцеляў.

Акрамя таго, бакі надалі ўвагу пытанням арганізацыі перавозкі пасажыраў чыгуначным транспартам у зносінах Беларусь–Расія ў 2022 годзе і на перспектыву, аптымізацыі графіка руху пасажырскіх цягнікоў, павелічэння перыядычнасці іх курсіравання і рэалізацыі сумесных турыстычных праектаў.

Падчас сустрэчы кіраўнікі чыгуначных кампаній таксама абмеркавалі перспектывы супрацоўніцтва ў сферы прамысловай кааперацыі.

Інфармацыя падрыхтавана прэс-цэнтрам БЧ