Унікальны перасовачны музей «Цягнік Перамогі» прыбудзе ў Беларусь 10 чэрвеня 2022 года
01 чэрвеня 2022
У Беларусі гэты праект рэалізуецца па ініцыятыве Беларускай чыгункі сумесна з ААТ «Расійскія чыгункі» ў рамках Года гістарычнай памяці. Ён ажыццяўляецца пры падтрымцы Адміністрацыі Прэзідэнта Рэспублікі Беларусь і актыўным садзейнічанні Рэспубліканскага валанцёрскага цэнтра.
Нагадаем, упершыню ў Рэспубліцы Беларусь «Цягнік Перамогі» пабываў у 2021 годзе. Тады ў 8 гарадах яго экспазіцыю наведалі больш за 25 тысяч жыхароў нашай краіны.
У 2022 годзе ўнікальны перасовачны музей будзе курсіраваць па Беларускай чыгунцы з 10 чэрвеня па 4 ліпеня. Яго геаграфія істотна пашырана – перасовачны музей зробіць прыпынкі ў 17 гарадах – Оршы, Полацку, Віцебску, Крычаве, Жлобіне, Асіповічах, Баранавічах, Лунінцы, Пінску, Брэсце, Гродне, Калінкавічах, Гомелі, Магілёве, Бабруйску, Салігорску і Мінску.
Экспазіцыя пачне свой маршрут па Беларусі 10 чэрвеня з горада Оршы, дзе «Цягнік Перамогі» змогуць наведаць жыхары «ўсходніх варот» нашай краіны. Графік руху цягніка складзены з улікам дзяржаўных святаў і памятных дат. У Брэст «Цягнік Перамогі» прыбудзе 21 чэрвеня, напярэдадні Дня ўсенароднай памяці ахвяр Вялікай Айчыннай вайны і генацыду беларускага народа, у Магілёве экспазіцыя будзе знаходзіцца 28 чэрвеня, У Дзень вызвалення горада ад нямецка-фашысцкіх захопнікаў, а завершыцца тур па Беларусі ў Мінску – у дні святкавання Дня Незалежнасці Рэспублікі Беларусь.
Наведвальнікаў перасовачнага музея чакае ўнікальнае падарожжа з поўным апусканнем у падзеі Вялікай Айчыннай вайны, якое створана з выкарыстаннем сучасных тэхналогій. У саставе «Цягніка Перамогі» 9 экспазіцыйных вагонаў, адзін з якіх прысвечаны подзвігу абаронцаў Брэсцкай крэпасці-удзельнікам гераічнай абароны, салдатам і камандзірам Чырвонай Арміі.
У аснове экспазіцыі – трохмерныя панарамы, макеты ў натуральную велічыню і шмат прадметнага плана на адлегласці выцягнутай рукі. Агляд «Цягніка Перамогі» задуманы як пераход ад аднаго эпізоду да іншага. Перадваенныя гады – Вялікая Айчынная вайна – Перамога.
Экспазіцыя ўнікальная і сваім мультымедыйным суправаджэннем. У ёй выкарыстоўваецца аб'ёмны гук, тэатральнае асвятленне, механічныя спецэфекты, датчыкі прысутнасці, галаграмы, панарамы баёў у віртуальнай рэальнасці, кіназдымка гістарычных рэканструкцый, трохмерная камп'ютэрная графіка з мадэлямі ваеннай тэхнікі. Для кожнай зоны экспазіцыі спецыяльна напісана свая музыка.
Адпаведна тэхналогіі правядзення экскурсіі ў адным вагоне адначасова могуць знаходзіцца не больш за 10 наведвальнікаў, час праслухоўвання аўдыягіда ў адным вагоне складае каля 5 мінут, Агульны час экскурсіі – 45 мінут.
У сувязі з абмежаванай прапускной здольнасцю перасовачнага музея яго наведванне будзе ажыццяўляцца толькі арганізаванымі групамі жыхароў рэгіёнаў па запрашальных білетах, якія распаўсюджваюцца сярод арганізацый і навучальных устаноў Рэспублікі Беларусь мясцовымі органамі выканаўчай улады.
Праект «Цягнік Перамогі» з'яўляецца сацыяльным як у Расійскай Федэрацыі, так і ў Рэспубліцы Беларусь. Час работы экспазіцыі з 10:00 да 20:00, перапынак з 14:00 да 15:00. Экспазіцыя рэкамендавана да наведвання дарослымі і дзецьмі з 12 гадоў.
Акрамя таго, усе жадаючыя могуць здзейсніць віртуальны тур па экспазіцыі музея на сайце праекта поездпобеды.рф.
«Цягнік Перамогі» – маштабны гісторыка-асветніцкі праект, створаны ў Расійскай Федэрацыі камандай творчай майстэрні «Неўскі баталіст» сумесна з медыягрупай «Чырвоны квадрат», пры падтрымцы Міністэрства навукі і вышэйшай адукацыі Расійскай Федэрацыі, ААТ «Расійскія чыгункі».
Графік курсіравання перасовачнага музея «Цягнік Перамогі» ў Рэспубліцы Беларусь у 2022 годзе |
|
Дата |
Станцыя |
10.06.2022 |
Орша-Цэнтральная |
11.06.2022 |
Полацк |
12-13.06.2022 |
Віцебск |
14.06.2022 |
Крычаў-1 |
15.06.2022 |
Жлобін |
16.06.2022 |
Асіповічы-1 |
17-18.06.2022 |
Баранавічы-Палескія |
19.06.2022 |
Лунінец |
20.06.2022 |
Пінск |
21-22.06.2022 |
Брэст-Цэнтральны |
23-24.06.2022 |
Гродна |
25.06.2022 |
Калінкавічы |
26-27.06.2022 |
Гомель |
28-29.06.2022 |
Магілёў-1 |
30.06.2022 |
Бярэзіна (г. Бабруйск) |
01.07.2022 |
Салігорск |
02-04.07.2022 |
Мінск-Пасажырскі |
Інфармацыя падрыхтавана прэс-цэнтрам БЧ
Да спісу навін за 2022 год