Напярэдадні свята працы на Беларускай чыгунцы ўзнагародзілі лепшых работнікаў галіны

25 красавіка 2022

22 красавіка 2022 года, напярэдадні Свята працы, у Мінскім Палацы культуры і спорту чыгуначнікаў адбылася ўрачыстая цырымонія ўзнагароджання пераможцаў чыгуначнага конкурсу «Лепшы па прафесіі на чыгуначным транспарце» і галіновага спаборніцтва за 2021 год.

У конкурсе «Лепшы па прафесіі на чыгуначным транспарце» ў 2021 годзе прымалі ўдзел прадстаўнікі 122 розных прафесій і спецыяльнасцяў. Гэта дзяжурныя па станцыі і складальнікі цягнікоў,машыністы лакаматываў і іх памочнікі, цягніковыя і лакаматыўныя дыспетчары, білетныя касіры і праваднікі пасажырскіх вагонаў і інш. па выніках конкурсу пераможцамі прызнаны 122 работніка беларускай магістралі.

Яшчэ адной добрай традыцыяй на Беларускай чыгунцы з'яўляецца правядзенне штогадовага галіновага вытворчага спаборніцтва, па выніках якога вызначаюцца лепшыя працоўныя калектывы галіны.

Па выніках работы за 2021 год сярод унітарных прадпрыемстваў пераможцам стаў калектыў дзяржаўнага прадпрыемства «Інстытут «Белчыгунпраект», другое месца прысуджана калектыву УП «БЕЛЖЭЛДОРСНАБ», трэцяе месца заваяваў калектыў РУП «Галоўны разліковы інфармацыйны цэнтр» БЧ.

Сярод калектываў структурных падраздзяленняў і даччыных прадпрыемстваў арганізацый БЧ вызначаны 19 пераможцаў галіновага спаборніцтва за 2021 год.

Заслужаныя ўзнагароды пераможцам конкурсу «Лепшы па прафесіі на чыгуначным транспарце» і галіновага спаборніцтва за 2021 год уручыў Начальнік Беларускай чыгункі Уладзімір Марозаў. Ён падзякаваў чыгуначнікам за адданасць выбранай прафесіі і вернасць традыцыям. Уладзімір Марозаў адзначыў, што дзякуючы працавітасці, адказнасці і прафесіяналізму ўсіх работнікаў галіны Беларуская чыгунка, пераадольваючы любыя цяжкасці, упэўнена рухаецца наперад. «Кожны чыгуначнік на сваім працоўным месцы ўносіць вялікі ўклад у развіццё ўсёй беларускай магістралі. Чалавек працы – гэта самая галоўная каштоўнасць нашага прадпрыемства».

Для чыгуначнікаў 2022 год – асаблівы. 27 снежня Беларускай чыгунцы споўніцца 160 гадоў. Чыгуначнікі беражліва захоўваюць слаўныя працоўныя традыцыі, ганарацца гісторыяй сваёй краіны і роднай магістралі.

З віншаваннямі да ўзнагароджаных звярнуўся і Старшыня Аб'яднанай галіновай прафсаюзнай арганізацыі чыгуначнікаў і транспартных будаўнікоў Віктар Какора. Ён адзначыў важнасць таго, што традыцыйна цырымонія ўзнагароджання перадавікоў вытворчасці чыгункі праходзіць напярэдадні Свята працы – 1 мая, а таксама пажадаў работнікам беларускай магістралі моцнага здароўя, мірнага неба, новых поспехаў і дасягненняў.

У цяперашні час на Беларускай чыгунцы працуюць работнікі больш за 300 прафесій і спецыяльнасцяў. Агульная колькасць працоўнага калектыву складае каля 70 тысяч чалавек.

Інфармацыя падрыхтавана прэс-цэнтрам БЧ