На Беларускай чыгунцы выбралі лепшую маладзёжную лакаматыўную брыгаду

25 красавіка 2022

Беларуская чыгунка падвяла вынікі спаборніцтва сярод маладзёжных лакаматыўных брыгад па выніках работы за 2021 год. Трэба адзначыць, што большасць членаў маладзёжных лакаматыўных брыгад складаюцца ў ГА «БРСМ».

Усяго ў чыгуначным спаборніцтве прынялі ўдзел 6 брыгад – пераможцаў адборачных тураў, якія праходзілі на аддзяленнях БЧ. Мэта дадзенага спаборніцтва – павышэнне прэстыжу прафесій машыніста і памочніка машыніста, а таксама пастаяннае ўдасканаленне тэхнічнага ўзроўню ведаў лакаматыўных брыгад.

Удзельнікі ацэньваліся па наступных крытэрыях: забеспячэнне брыгадай выканання графіка руху цягнікоў, нормаў расходу паліўна-энергетычных рэсурсаў, узровень адукацыі маладзёжнай лакаматыўнай брыгады, а таксама ўдзел брыгады ў грамадскім жыцці Беларускай чыгункі і інш.

Па выніках спаборніцтва пераможцам прызнана маладзёжная лакаматыўная брыгада лакаматыўнага дэпо Гомель Гомельскага аддзялення Беларускай чыгункі (машыніст электравоза (з 15.03.2022 машыніст-інструктар) Кірыл Куміцкі і памочнік машыніста электравоза (з 23.03.2022 машыніст цеплавоза) Міхаіл Заваротны).

Другое месца прысуджана маладзёжнай лакаматыўнай брыгадзе маторвагоннага дэпо Мінск Мінскага аддзялення Беларускай чыгункі (машыніст электрацягніка Сяргей Сезончык і памочнік машыніста электрацягніка Арцём Апецёнак).

На трэцім месцы – маладзёжная лакаматыўная брыгада лакаматыўнага дэпо Асіповічы Магілёўскага аддзялення Беларускай чыгункі (машыніст электравоза Антон Папоў і памочнік машыніста электравоза Антон Нікалаеў).

Інфармацыя падрыхтавана прэс-цэнтрам БЧ