Зборная каманда Беларускай чыгункі прыме ўдзел у першым этапе галіновай Рэспубліканскай спартакіяды Мінтранса
23 сакавіка 2022
Зборная каманда Беларускай чыгункі прыме ўдзел у першым этапе галіновай Рэспубліканскай спартакіяды сярод структурных падраздзяленняў і арганізацый Міністэрства транспарту і камунікацый Рэспублікі Беларусь. Спаборніцтвы пройдуць 25‑27 сакавіка на «Фізкультурна-аздараўленчай базе спартыўна-аздараўленчага комплексу «Зялёны бор» шматфункцыянальнага спартыўнага комплексу «Мінск Арэна». У адной групе са зборнай камандай БЧ – каманды Дэпартамента па авіяцыі, арганізацый дарожнай гаспадаркі, прадпрыемства «Мінсктранс», Мінскага метрапалітэна і Гомельскага вагонабудаўнічага завода. Беларускую чыгунку на спаборніцтвах прадставяць 20 атлетаў-чыгуначнікаў. Ім трэба будзе пазмагацца за перамогу ў 6-ці дысцыплінах: лёгкаатлетычны крос, валейбол (змешаны склад), шахматы, настольны тэніс, більярд і гіравы спорт.
Інфармацыя падрыхтавана прэс-цэнтрам БЧ
Да спісу навін за 2022 год