Зборная каманда Беларускай чыгункі атрымала перамогу ў першым этапе галіновай Рэспубліканскай спартакіяды Мінтранса
28 сакавіка 2022
Спаборніцтвы адбыліся 25‑27 сакавіка на «Фізкультурна-аздараўленчай базе спартыўна-аздараўленчага комплексу «Зялёны бор» шматфункцыянальнага спартыўнага комплексу «Мінск Арэна». У адной групе са зборнай камандай Беларускай чыгункі за перамогу змагаліся каманды Дэпартамента па авіяцыі, арганізацый дарожнай гаспадаркі і прадпрыемства «Мінсктранс».
У праграму першага этапу галіновай Рэспубліканскай спартакіяды сярод структурных падраздзяленняў і арганізацый Міністэрства транспарту і камунікацый Рэспублікі Беларусь уключылі лёгкаатлетычны крос, валейбол (змешаны склад), шахматы, настольны тэніс, більярд і гіравы спорт. Падчас спаборніцтваў зборная каманда БЧ атрымала перамогу ў 5 з 6 дысцыплін, а шахматысты-чыгуначнікі прынеслі камандзе другое месца.
У цэлым па суме занятых месцаў зборная каманда беларускай магістралі атрымала ўпэўненую перамогу ў першым этапе спартакіяды. Другое месца дасталося камандзе Дэпартамента па авіяцыі, а трэцяя ступень п'едэстала пакарылася камандзе прадпрыемства «Мінсктранс».
Плануецца, што на другім этапе галіновай Рэспубліканскай спартакіяды сярод структурных падраздзяленняў і арганізацый Міністэрства транспарту і камунікацый Рэспублікі Беларусь каманды будуць змагацца ў плаванні, лёгкаатлетычным кросе, міні-футболе, дартсе і стральбе.
Інфармацыя падрыхтавана прэс-цэнтрам БЧ
Да спісу навін за 2022 год