Дзіцячая чыгунка ім. К. С. Заслонава завяршыла летні сезон перавозак

27 верасня 2021

У 2021 годзе Дзіцячая чыгунка работала з мая па верасень, за гэты час было перавезена больш за 36 тысяч пасажыраў. З мэтай захавання здароўя юных пасажыраў, прафілактыкі распаўсюджвання вірусных інфекцый, а таксама стварэння камфортных умоў праезду ў вагонах была прадугледжана рассадка з улікам сацыяльнай дыстанцыі. Акрамя таго, рэгулярна праводзілася санітарная апрацоўка рухомага саставу.

26 верасня 2021 г. на станцыі Заслонава адбылася ўрачыстая лінейка, прысвечаная заканчэнню летняй цягніковай практыкі. Падчас урачыстай лінейкі ўсе змены далажылі аб гатоўнасці, а затым адбылося ўзнагароджанне лепшых. Чацвярым выхаванцам малой беларускай уручылі ганаровыя граматы УП «Мінскае аддзяленне Беларускай чыгункі» за высокія паказчыкі тэарэтычнага і практычнага навучання, актыўны ўдзел у грамадскім жыцці і асабісты ўклад у развіццё дзіцячай чыгункі. Акрамя таго, юныя чыгуначнікі, хто найбольш праславіўся былі адзначаны граматамі і нагруднымі значкамі «Лепшы па прафесіі» у намінацыях «Лепшы машыніст», «Лепшы дзяжурны па станцыі», «Лепшы пуцеец» і «Лепшы праваднік», а таксама нагрудным знакам «Выдатнік дзіцячай чыгункі».

У 2021 годзе 45 юнакоў і дзяўчат завяршылі навучанне на Дзіцячай чыгунцы ім. К. С. Заслонава. З іх 15 дзяцей паступілі ў чыгуначныя навучальныя ўстановы, каб у далейшым звязаць свой лёс з чыгуначным транспартам.

Перад юнымі чыгуначнікамі выступіў Аляксандр Барысавіч Балаеў – былы начальнік Дзіцячай чыгункі (з 1975-га па 1983 год). Ён пажадаў рабятам поспехаў, удачы і новых заслужаных узнагарод. Ганароваму госцю ўручылі нагрудны значок Дзіцячай чыгункі.

З кастрычніка Дзіцячая чыгунка ім. К. С. Заслонава запрашае навучэнцаў 5-7 класаў у гурток «Юны чыгуначнік». Навучанне праводзіцца бясплатна ў навучальным цэнтры ДЖД. У працэсе тэарэтычнага навучання рабят знаёмяць з асноўнымі чыгуначнымі дысцыплінамі. Заняткі праводзяцца ў спецыялізаваных навучальных класах, абсталяваных найноўшымі тэхнічнымі прыладамі, трэнажорамі, макетамі, мультымедыйным кампутарным абсталяваннем.

Інфармацыя падрыхтавана прэс-цэнтрам БЧ