Фірмовы цягнік №2/1 Мінск–Масква «Беларусь» Беларускай чыгункі пацвердзіў свой статус

01 сакавіка 2021

26 лютага ў Мінску завяршылася пераатэстацыя фірмовага цягніка №2/1 Мінск–Масква «Беларусь». Атэстацыю праводзіла камісія Дырэкцыі Савета па чыгуначным транспарце дзяржаў-удзельніц Садружнасці і ААТ «РЖД». Для атрымання статусу фірмовага цягніка міжнародных зносін неабходна было пацвердзіць захаванне шэрагу абавязковых патрабаванняў, што прад'яўляюцца Палажэннем аб фірмовым цягніку, зацверджаным Саветам па чыгуначным транспарце дзяржаў-удзельніц Садружнасці, да тэхнічнага стану рухомага саставу і тэрмінах яго эксплуатацыі, інтэр'еру вагонаў і маёмасці, якая знаходзіцца ў складзе, арганізацыі абслугоўвання пасажыраў і персаналу. Катэгорыя «фірмовы» пацвярджаецца рэгулярна, атэстат выдаецца на тэрмін не больш, чым на 5 гадоў.

Пераатэстацыі цягніка №2/1 Мінск–Масква «Беларусь» папярэднічала сур'ёзная работа. Паводле яе вынікаў цягнік быў атэставаны з ацэнкай «выдатна». Намеснік Старшыні Дырэкцыі Савета па чыгуначным транспарце дзяржаў-удзельніц Садружнасці Алег Нікіцін уручыў Атэстат аб прысваенні цягніку №2/1 Мінск–Масква катэгорыі «фірмовы» Аляксандру Захарэвічу – начальніку пасажырскай службы Беларускай чыгункі.

Як адзначыў Аляксандр Захарэвіч: «Гэта абавязвае нас яшчэ больш увагі надаваць пытанням кліентаарынтаванасці. Зараз пасля аднаўлення міжнародных пасажырскіх зносін населенасць гэтага цягніка ў абодвух напрамках складае амаль 100%. Гэта сведчыць аб тым, што жыхары і госці Беларусі па-ранейшаму давяраюць Беларускай чыгунцы – яны выбіраюць нас і мы стараемся быць надзейным перавозчыкам».

Інфармацыя падрыхтавана прэс-цэнтрам