Беларуская чыгунка працягвае рэалізацыю аблігацый

15 кастрычніка 2020

Нагадаем, сумесны праект Беларускай чыгункі і ААТ «АСБ Беларусбанк» па выпуску аблігацый для насельніцтва стартаваў 17 чэрвеня 2019 года.

Асноўная вартасць аблігацый Беларускай чыгункі – іх надзейнасць. Вялікая філіяльная сетка ААТ «АСБ Беларусбанк», які з'яўляецца ўпаўнаважаным брокерам, дазволіць зрабіць аблігацыі даступнымі для пакупнікоў з любой кропкі нашай краіны.

Набыць аблігацыі можна ў падраздзяленнях ААТ «АСБ Беларусбанк». Пералік пунктаў абслугоўвання, рэжым іх работы размешчаны на афіцыйным інтэрнэт-сайце ўпаўнаважанага брокера http://belarusbank.by.

Намінальны кошт адной аблігацыі складае 1000 (адна тысяча) долараў ЗША. Мінімальная колькасць аблігацый для куплі адным пакупніком – тры аблігацыі за адну здзелку. Працэнтная стаўка па аблігацыях складае 4,7% гадавых. Тэрмін абароту каштоўных папер – 3 гады (з афертай на датэрміновы выкуп 1 раз у год, пачынаючы з 30 чэрвеня 2020 года). Дата пачатку пагашэння аблігацый – 16 чэрвеня 2022 г.

Сродкі ад іх продажу будуць накіраваны на інвестыцыі для рэалізацыі чыгуначных інфраструктурных праектаў.

Размяшчэнне аблігацый на неарганізаваным рынку ажыццяўляецца з дапамогай канала дыстанцыйнага банкаўскага абслугоўвання – сістэмы «інтэрнэт-банкінг» упаўнаважанага брокера на падставе дагавораў куплі-продажу аблігацый.

Больш падрабязную інфармацыю можна атрымаць на сайце ААТ «АСБ Беларусбанк» у раздзеле Каштоўныя паперы/Карпаратыўныя аблігацыі/Беларуская чыгунка, 12-ты выпуск/.

Інфармацыя падрыхтавана прэс-цэнтрам БЧ