У снежні праз мабільны дадатак «БЧ. Мой поезд» БЧ рэалізавала амаль 45 тыс электронных білетаў

04 студзеня 2020

Усяго праз афіцыйны мабільны дадатак «БЧ. Мой поезд» і адзіны раздзел афіцыйнага сайта «Паслугі пасажырам» у снежні 2019 года рэалізавана 146,1 тыс. электронных білетаў, у тым ліку 16,6 тыс. на цягнікі з ненумараванымі месцамі.

Мабільны дадатак «БЧ. Мой поезд» стаў даступны для бясплатнай запампоўкі карыстальнікам смартфонаў і планшэтаў на платформах Android і iOS з 2 снежня 2019 года. Акрамя таго, у пасажыраў з'явілася магчымасць набываць праязныя дакументы праз абноўлены раздзел «Паслугі пасажырам» на афіцыйным сайце www.rw.by, асаблівасцю якога з'яўляецца магчымасць афармлення праязных дакументаў непасрэдна пры праглядзе раскладу без неабходнасці пераключэння на іншыя рэсурсы. Пры гэтым даступна афармленне электронных білетаў і на цягнікі з ненумараванымі месцамі – рэгіянальных ліній эканомкласа і гарадскіх ліній.

Сайт адаптаваны для выкарыстання як на стацыянарных (дэсктопных), так і мабільных прыладах. Абодва рэсурсу падтрымліваюць рускую, беларускую і англійскую мовы. У мабільным дадатку мова інтэрфейсу вызначаецца наладамі прылады, якая выкарыстоўваецца, гэта значыць аўтаматычна выкарыстоўвае тую мову, якую паўсядзённа прымяняе карыстальнік.

Беларуская чыгунка працягвае працу па развіцці электронных сэрвісаў. Усе прапановы, якія паступаюць ад новых карыстальнікаў мабільнага дадатку «БЧ. Мой поезд» і раздзела «Паслугі пасажырам» на карпаратыўным сайце www.rw.by, будуць прааналізаваныя і прыняты пад увагу пры удасканаленні работы рэсурсаў.

Інфармацыя падрыхтавана прэс-цэнтрам БЧ