«Стоп — няправільны крок». БЧ правядзе акцыю па захаванні правіл паводзін на аб'ектах чыгуначнага транспарта

20 жніўня 2019

Беларуская чыгунка сумесна з галіновым камітэтам ГА «БРСМ» і аддзеламі ўнутраных спраў на транспарце Міністэрства ўнутраных спраў Беларусі 23 жніўня з 11.00 да 14.00 ва ўсіх абласцях рэспублікі правядзе акцыю «Стоп — няправільны крок».

Мерапрыемствы пройдуць на чыгуначных аб'ектах і участках, на якіх была адзначана найбольшая колькасць парушэнняў пры пераходзе пуцей і звязаных з гэтым няшчасных выпадкаў. Усяго акцыяй будзе ахоплена больш за 80 станцый і прыпыначных пунктаў Беларускай чыгункі. З парушальнікамі правядуць тлумачальныя гутаркі, ім уручаць памяткі «Бяспека на чыгуначным транспарце».

Мэтай правядзення акцыі «Стоп — няправільны крок!» з'яўляецца інфармаванне грамадзян аб правілах паводзін пры знаходжанні на аб'ектах чыгуначнага транспарту, зніжэнне колькасці парушэнняў правілаў пераходу чыгуначных пуцей у неўсталяваных месцах і звязаных з гэтым выпадкаў траўматызму, а таксама прафілактыка правапарушэнняў на аб'ектах БЧ з удзелам непаўналетніх.

За 7 месяцаў 2019 года на Беларускай чыгунцы адбылося 64 выпадкі невытворчага траўматызму, што на 3 выпадкі больш, чым у 2018 годзе. 43 чалавека загінулі, 21 — траўмаваны. Сярод пацярпелых — 5 непаўналетніх.

Толькі за мінулы тыдзень на беларускай магістралі адбыліся дзве трагедыі з удзелам непаўналетніх. 14 жніўня 14-гадовы падлетак на веласіпедзе ў навушніках перасякаў чыгуначныя пуці па пераезду, які ахоўваецца, перагона Маладзечна—Уша, не пачуў надыходзячы цягнік і быў смяротна траўміраваны. У Баранавічах 21-гадовы хлопец 18 жніўня вырашыў зрабіць сэлфі на пешаходным мосце праз чыгуначныя пуці, дзе быў траўміраваны электрычным токам. З апёкамі цела другой ступені пацярпелага даставілі ў бальніцу.

Варта адзначыць, што асноўнай прычынай няшчасных выпадкаў, якія адбываюцца на чыгуначных пуцях, з'яўляецца невыкананне пешаходамі і вадзіцелямі мер бяспекі пры знаходжанні на аб'ектах чыгуначнага транспарта.

У прыватнасці, знаходжанне ў зоне падвышанай небяспекі ў стане алкагольнага ап'янення, размовы па мабільным тэлефоне і праслухоўванне музыкі ў навушніках падчас перасячэння чыгуначных пуцей, фатаграфаванне на аб'ектах чыгуначнага транспарта, парушэнне вадзіцелямі правілаў дарожнага руху пры перасячэнні чыгуначных пераездаў і г. д.

БЧ заклікае грамадзян быць больш уважлівымі на аб'ектах чыгуначнага транспарта і памятаць, што чыгунка не даруе памылак. Выконваючы элементарныя правілы бяспекі можна пазбегнуць трагедыі:

• не хадзіць па чыгуначных шляхах у неўстаноўленых месцах;
• не пераходзіць і не перабягаць праз чыгуначныя пуці перад блізка ідучым цягніком, калі адлегласць да яго менш за 400 метраў;
• не пераходзіць праз пуці адразу ж пасля праходу цягніка аднаго кірунку, не пераканаўшыся ў адсутнасці руху цягніка сустрэчнага кірунку;
• не пераходзіць чыгуначныя пераезды пры закрытым шлагбаўме або паказаннях чырвонага сігналу святлафора;
• на станцыях і перагонах не падлазіць пад вагоны і не пералазіць праз аўтасчэпкі для праходу праз дарогу;
• не праходзіць уздоўж чыгуначнага пуці бліжэй 5 метраў ад крайняй рэйкі.

Таксама звяртаем увагу, што праход па чыгуначных пуцях у неўстаноўленых месцах цягне накладанне штрафу ў памеры ад 0,2 да 2 базавых велічынь.

Інфармацыя падрыхтавана прэс-цэнтрам БЧ