Нарада з удзелам Беларускай чыгункі і АТ «Літоўскія чыгункі» пройдзе ў Вільнюсе 16—17 снежня

15 снежня 2015

Дэлегацыя Беларускай чыгункі на чале з намеснікам Начальніка дарогі Пятром Стоцкім прыме ўдзел у нарадзе па разглядзе пытанняў актуалізацыі Пагаднення паміж Беларускай чыгункай і АТ «Літоўскія чыгункі». У ходзе нарады бакі разгледзяць пытанні двухбаковага супрацоўніцтва ў галіне міжнародных перавозак, дагавора аб эксплуатацыі лакаматываў, маторвагоннага рухомага складу, выкарыстанні лакаматыўных брыгад і інш.

АТ «Літоўскія чыгункі» з'яўляюцца найважнейшым партнёрам Беларускай чыгункі ў ажыцяўленні міжнародных перавозак грузаў.

Літва забяспечвае для Беларусі аптымальныя транспартна-лагістычныя схемы дастаўкі экспартна-імпартных грузаў у парты Клайпеды, такіх як калійныя ўгнаенні, нафтапрадукты, чорныя металы і інш.

Беларуская чыгунка сумесна з Літоўскімі чыгункамі праводзіць мэтанакіраваную працу па аптымізацыі тарыфных умоў, у тым ліку на калінінградскім кірунку.

У рамках мерапрыемстваў Міжнароднай выставы «Транспарт і лагістыка-2015» 6 кастрычніка бягучага года кіраўнікі чыгуначных адміністрацый Беларусі і Літвы падпісалі Мемарандум аб супрацоўніцтве ў сферы транзітных перавозак грузаў чыгуначным транспартам. Асноўнымі палажэннямі Мемарандума прадугледжваецца правядзенне работы, накіраванай на ўсталяванне тарыфаў на транзітныя перавозкі па чыгунках Беларусі і Літвы, зыходзячы з роўнасці кошту аднаго тона-кіламетру на 2016 фрахтавы і наступныя гады для асноўнай наменклатуры грузаў. Бакі ў рамках сваіх функцый будуць ажыцяўляць супрацоўніцтва ў сферы транзітных грузавых перавозак чыгуначным транспартам.

Па выніках працы за 11 месяцаў 2015 года забяспечана станоўчая дынаміка экспартных перавозак з Беларусі ў Літву — каля 14 млн тон.

Добрым прыкладам узаемнага супрацоўніцтва можна назваць правядзенне работ па электрыфікацыі ўчастка Маладзечна—Гудагай—дзяржмяжа. Электрыфікацыя дадзенага ўчастка дазволіць стварыць магутны і тэхналагічны транспартна-лагістычны комплекс для транзіту грузапатокаў з Поўначы на Поўдзень, з Усходу на Захад. У перспектыве ён стане важным складнікам стваранага Эканамічнага паясы Шаўковага шляху, павысіць транзітную прывабнасць міжнародных транспартных калідораў, якія праходзяць праз тэрыторыю нашых краін.

Акрамя таго, пасля завяршэння электрыфікацыі стануць яшчэ бліжэй адзін да аднаго жыхары двух еўрапейскіх сталіц — Мінска і Вільнюса, а час у шляху паміж імі скароціцца да 2 гадзін, што, як следства, будзе садзейнічаць і развіццю кантактаў бізнес-супольнасці Беларусі і Літвы.

Інфармацыя падрыхтавана прэс-цэнтрам БЧ