.png)
Карпаратыўныя навіны
Люты
-
26 лютага 2015Беларуская чыгунка з 10 па 17 чэрвеня бягучага года будзе прымаць удзельнікаў і гасцей чэмпіянату Міжнароднага спартыўнага саюза чыгуначнікаў па валейболе
Чэмпіянат Міжнароднага спартыўнага саюза чыгуначнікаў па валейболе сярод мужчынскіх каманд пройдзе ў Гомелі. Беларуская чыгунка выступае арганізатарам правядзення мерапрыемства.
Міжнародны спартыўны саюз чыгуначнікаў (МССЧ) створаны ў 1946 годзе. Яго членамі з'яўляюцца спартыўныя арганізацыі чыгуначнікаў 24 краін Еўропы і Азіі. У Гомель прыедуць 12 каманд з Расіі, Казахстана, Польшчы, Чэхіі, Бельгіі, Германіі, Швейцарыі, Францыі, Балгарыі, Грэцыі, Індыі, Беларусі.
Чытаць далей… -
25 лютага 201525—26 лютага ў Брэсце праходзіць нарада па пытаннях эксплуатацыі пераводнага ўстройства і тэхнічнай дэманстрацыі цягніка «Talgo»
У сустрэчы прымаюць удзел кіраўніцтва Беларускай чыгункі, АТ «Федэральная пасажырская кампанія», прадстаўнікі кампаніі «Patentes Talgo SL», мытнай і пагранiчнай службы Рэспублікі Беларусь, мытнай і пагранiчнай службы Рэспублікі Польшча, АТ «ПКП-Інтэрсіці» і АТ ПКП «Польскія чыгуначныя лініі». Цягнік «Talgo» з аўтаматычна зменнай шырынёй каляіны прэзентуюць пагранічным і мытным органам Рэспублікі Беларусь і Рэспублікі Польшча, польскім чыгуначнікам. Таксама адбудзецца дэманстрацыя правядзення тэхналагічных аперацый па пераводзе саставу ад прыбыцця цягніка да яго адпраўлення.
Планавы час пропуску цягнікоў «Talgo» праз мяжу складзе каля 30 хвілін. Для параўнання, пропуск звычайных цягнікоў на станцыі Брэст складае каля 2 гадзін (уключаючы перастаноўку саставаў з шырокай на вузкую каляіну са заменай вагонных цялежак, а таксама правядзенне пагранічнага і мытнага кантролю).
Чытаць далей… -
25 лютага 2015Беларуская чыгунка занепакоеная ростам выпадкаў вандалізму ў дачыненні да рухомага саставу
Праблема з нелегальнымі графіці абвастрылася ў 2014 годзе. На працягу года на чыгунцы было зарэгістравана 55 правапарушэнняў — супраць 37 у 2013 годзе. Прынесены ўрон склаў больш за 75 мільёнаў рублёў. Асноўная частка здарэнняў выпала на арганізацыі Мінскага аддзялення чыгункі, тут быў здзейснены 51 з 55 выпадкаў размалёўвання электра- і дызель-цягнікоў.
Так, у лістападзе 2014 на станцыі Мінск-Паўночны супрацоўнікамі міліцыі быў затрыманы жыхар г. Мінска, які быў абвінавачаны ў пяці выпадках размалёўвання. У сучасны момант ён прыцягваецца да крымінальнай адказнасці. Крымінальная справа ўзбуджаная па артыкуле 341 КК Рэспублікі Беларусь (апаганьванне збудаванняў і псаванне маёмасці), гэты артыкул прадугледжвае пакаранне ў выглядзе грамадскіх работ, штрафу ці арышту.
Чытаць далей… -
20 лютага 2015Беларуская чыгунка узнагародзіла лепшых работнікаў галіны
20 лютага ў Мінскім Палацы культуры і спорту чыгуначнікаў адбылося ўзнагароджанне пераможцаў чыгуначнага конкурсу «Лепшы па прафесіі на чыгуначным транспарце» ў 2014 годзе. Імі сталі работнікі больш за 100 прафесій і спецыяльнасцяў, сярод якіх білетныя касіры, дзяжурныя па станцыі, дыспетчары, машыністы лакаматываў, праваднікі, электрамеханікі. На працягу года на аддзяленнях чыгункі праходзілі папярэднія этапы, а затым і фіналы прафесійных спаборніцтваў па кожнай спецыяльнасці.
Таксама на мерапрыемстве адбылося ўзнагароджанне перадавікоў вытворчасці па выніках працы за 2014 год вышэйшымі галіновымі ўзнагародамі.
Заслужаныя ўзнагароды пераможцам уручыў начальнік Беларускай чыгункі Уладзімір Марозаў. Звяртаючыся да прысутных, ён адзначыў: «Вы з'яўляецеся залатым фондам і апорай Беларускай чыгункі. Ўвасабляеце ўсіх работнікаў магістралі, якія шчыра, надзейна і прафесійна робяць сваю справу».
Уладзімір Марозаў падзякаваў чыгуначнікам за працу, за той уклад, які кожны з іх на сваім працоўным месцы ўносіць на карысць развіцця і стабільнай працы магістралі.
Чытаць далей… -
20 лютага 2015Беларуская чыгунка падвяла вынікі дзейнасці добраахвотных дружын па ахове правапарадку ў 2014 годзе
Выніковая нарада прайшла ў Мінскім палацы культуры і спорту чыгуначнікаў. Асноўнай тэмай сталі вынікі працы добраахвотных дружын магістралі ў 2014 годзе, пытанні ўдасканалення іх дзейнасці, а таксама ўзаемадзеяння з органамі ўнутраных спраў на транспарце.
Чытаць далей… -
19 лютага 2015Беларускі прафесійны саюз чыгуначнікаў і транспартных будаўнікоў правёў пашыранае пасяджэнне прэзідыума
Пасяджэнне прэзідыума пад кіраўніцтвам Старшыні прафсаюза чыгуначнікаў і транспартных будаўнікоў Уладзіміра Рынга прайшло ў пашыраным складзе.
Акрамя членаў прэзідыума у ім прынялі ўдзел начальнік аддзела ідэалогіі і сацыяльна-культурнай працы Андрэй Баравой, старшыня Арганізацыі ветэранаў Беларускай чыгункі Якаў Лаўрыновіч, сакратар галіновага камітэта «БРСМ» Беларускай чыгункі Уладзімір Лавіцкі, старшыня Чыгуначнай арганізацыі Чырвонага Крыжа Мікалай Крысенка.
Асноўнай тэмай мерапрыемства стала падвядзенне вынікаў святкавання 70-й гадавіны вызвалення Беларусі ад нямецка-фашысцскiх захопнікаў і выкананне мерапрыемстваў да 70-годдзя Перамогі ў Вялікай Айчыннай вайне.
Чытаць далей… -
12 лютага 2015Беларуская чыгунка зацвердзіла меры па забеспячэннi аховы працы ў 2015 годзе
2015 ў адпаведнасці з Рэспубліканскай мэтавай праграмай па паляпшэнні ўмоў і аховы працы на 2011-2015 гады, зацверджанай пастановай Савета Міністраў Рэспублікі Беларусь, абвешчаны годам бяспекі працы на транспарце.
Беларуская чыгунка надае асаблівую ўвагу стану ўмоў і аховы працы на прадпрыемствах беларускай магістралі, штогод праводзіць комплекс мерапрыемстваў, накіраваных на паляпшэнне ўмоў і аховы працы.
Чытаць далей… -
10 лютага 2015Беларуская чыгунка выступіць арганізатарам правядзення 62-га пасяджэння Савета па чыгуначным транспарце дзяржаў-удзельніц Садружнасці, якое пройдзе ў Мінску ў маі
Рашэнне аб правядзенні чарговага 62-га пасяджэння Савета было прынята на 61-м пасяджэнні Савета, які прайшоў у кастрычніку мінулага года ў Баку (Азербайджан).
62-е пасяджэнне Савета па чыгуначным транспарце дзяржаў-удзельніц Садружнасці Незалежных Дзяржаў пройдзе ў Мінску 20—21 мая 2015 года. Для Беларускай чыгункі арганізацыя правядзення і ўдзел у рабоце 62-га пасяджэння Савета з'яўляецца найважнейшай падзеяй бягучага года ў сферы развіцця міжнароднага супрацоўніцтва.
У Мінску збяруцца дэлегацыі чыгуначных адміністрацый Азербайджана, Арменіі, Беларусі, Казахстана, Кіргізіі, Малдовы, Расіі, Таджыкістана, Туркменістана, Узбекістана, Украіны, а таксама Грузіі, Латвіі, Балгарыі, Фінляндыі, Літвы, Эстоніі і Ірана на чале з іх кіраўнікамі.
Чытаць далей… -
04 лютага 2015Беларуская чыгунка зацвердзіла меры па забеспячэннi бяспекі руху ў 2015 годзе
Беларуская чыгунка надае першачарговую ўвагу забеспячэнню бяспекі руху цягнікоў. Чыгуначнікі штогод праводзяць комплекс мерапрыемстваў, накіраваных на недапушчэнне няшчасных выпадкаў на пуцях.
План мерапрыемстваў па арганізацыі планава-папераджальнай сістэмы забеспячэння бяспекі руху цягнікоў у 2015 годзе ўключае ў сябе 60 мерапрыемстваў, якія будуць ажыццяўляцца па 13 асноўных напрамках — пачынаючы з аналізу і прагназавання фактараў, якія ўплываюць на бяспеку руху і заканчваючы мерапрыемствамі па забеспячэнні бяспекі руху ў асобных гаспадарках чыгункі.
Чытаць далей…
