.png)
Заканадаўства
- Закон Рэспублиікі Беларусь ад 15 ліпеня 2015 г. № 305-З «Аб барацьбе з карупцыяй» (уступіў у сілу з 24 студзеня 2016 г.);
- Працоўны кодэкс Рэспублікі Беларусь ад 26 лiпеня 1999 г. № 296-З
Заўвага: «Працоўным кодэксам Рэспублікі Беларусь ўстаноўлены:
у артыкуле 27 — абмежаванні сумеснай працы ў дзяржаўных арганізацыях (іх адасобленых падраздзяленнях) мужа і жонкі, блізкіх сваякоў;
у пункце 5 артыкула 47 — права наймальніка на спыненне працоўнага дагавора з дзяржаўнай службовай асобай за непадпісанне абавязацельстваў па выкананні антыкарупцыйных абмежаванняў;
у пункце 5-1 артыкула 47 — права наймальніка на спыненне працоўнага дагавора з дзяржаўнай службовай асобай за парушэнне абавязацельстваў па выкананні антыкарупцыйных абмежаванняў, а таксама за здзяйсненне правапарушэння, які стварае ўмовы для карупцыі, або карупцыйнага правапарушэння;
у артыкуле 255 — абмежаванні работы па сумяшчальніцтве для кіраўнікоў дзяржаўных арганізацый і арганізацый, у статутных фондах якіх 50 і больш працэнтаў акцый (долей) знаходзяцца ў дзяржаўнай уласнасці, а таксама забарона для кіраўнікоў арганізацый любых формаў уласнасці ўваходзіць у склад органаў, якія ажыццяўляюць функцыі нагляду і кантролю ў адпаведных арганізацыях».
- Дэкрэт Прэзідэнта Рэспублікі Беларусь ад 15 снежня 2014 г. № 5 «Аб узмацненні патрабаванняў да кіруючых кадраў і работнікаў арганізацый»;
- Пастанова Савета Міністраў Рэспублікі Беларусь ад 26 снежняя 2011 г. № 1732 «Аб зацвярджэнні Тыпавога палажэння аб камісіі па супрацьдзеянні карупцыі»;
Пералік карупцыйных
злачынстваў:
(Зацверджаны пастановай Генеральнай пракуратуры Рэспублікі Беларусь, Камітэта дзяржаўнага кантролю Рэспублікі Беларусь, Аператыўна-аналітычнага цэнтра пры Прэзідэнце Рэспублікі Беларусь, Міністэрства
ўнутраных спраў Рэспублікі Беларусь і Камітэта дзяржаўнай бяспекі Рэспублікі Беларусь 31 студзеня 2011 г. № 5/8/1/34/6)
- Крадзеж шляхам злоўжывання службовымі паўнамоцтвамі (арт.210 КК).
- Легалізацыя ( «адмыванне») матэрыяльных каштоўнасцей, набытых злачынным шляхам, здзейсненная службовай асобай з выкарыстаннем сваіх службовых паўнамоцтваў (ч.2 і ч.3 арт. 235 КК).
- Злоўжыванне ўладай або службовымі паўнамоцтвамі з карыслівай ці іншай асабістай зацікаўленасцю (ч.2 і ч.3 арт. 424 КК).
- Бяздзейнасць службовай асобы з карыслівай ці іншай асабістай зацікаўленасцю (ч.2 і ч.3 арт. 425 КК).
- Перавышэнне ўлады або службовых паўнамоцтваў, учыненае з карыслівай ці іншай асабістай зацікаўленасцю (ч.2 і ч.3 арт. 426 КК).
- Незаконны ўдзел у прадпрымальніцкай дзейнасці (арт. 429 КК).
- Атрыманне хабару (арт. 430 КК).
- Дача хабару (арт. 431 КК).
- Пасрэдніцтва ў хабарніцтве (арт. 432 КК).
- Злоўжыванне ўладай, перавышэнне ўлады альбо бяздзейнасць улады, учыненыя з карыслівай ці іншай асабістай зацікаўленасцю (ч.1 арт. 455 КК).
