Беларуская чыгунка прызначыла больш за 130 дадатковых цягнікоў на выхадныя і святочныя дні ў красавіку – маі 2023 года

20 сакавіка 2023

Беларуская чыгунка прызначыла дадатковыя цягнікі для забеспячэння перавозак пасажыраў у дні праваслаўнага Вялікадня, Радаўніцы і майскіх святаў.

З улікам прагназуемага павелічэння пасажырапатоку ў перыяд з 14 па 16 красавіка ўнутры краіны дадаткова прызначаны цягнікі ў зносінах Мінск – Брэст, Мінск – Гомель, а 15 красавіка – у зносінах Мінск – Пінск. Таксама ў гэтыя дні шэраг электрацягнікоў бізнес-класа ў зносінах Мінск – Брэст, Мінск – Гомель і Мінск – Калінкавічы будзе курсіраваць здвоенымі саставамі.

Акрамя таго, у перыяд з 21 па 26 красавіка на Радаўніцу прызначаны дадатковыя цягнікі, якія будуць курсіраваць па найбольш запатрабаваных у пасажыраў напрамках: Мінск – Брэст, Мінск – Гомель, Мінск – Віцебск, Мінск – Гродна, Мінск – Магілёў, Мінск – Пінск, Гродна – Орша – Крычаў, Віцебск – Мінск – Гродна і Мінск – Камунары.

Таксама ў выхадныя дні на Радаўніцу і майскія святы прызначаны наступныя дадатковыя цягнікі для праезду арганізаваных груп і індывідуальных пасажыраў у міжнародных зносінах:

Мінск – Санкт-Пецярбург:

21, 23 і 24 красавіка, 5 і 7 мая – цягнік № 250 Мінск – Санкт-Пецярбург адпраўленнем з Мінска ў 19:15;

22, 24 і 25 красавіка, 6 і 8 мая – цягнік № 249 Санкт-Пецярбург – Мінск адпраўленнем з Санкт-Пецярбурга ў 20:13;

Брэст – Мінск – Масква:

1, 7, 8, 9 мая цягнік № 236 Брэст – Масква адпраўленнем з Брэста ў 13:12;

2, 9, 10 мая цягнік № 235 Масква – Брэст адпраўленнем з Масквы ў 14:06;

8, 9 мая цягнік № 232 Мінск – Масква адпраўленнем з Мінска ў 23:14;

9, 10 мая цягнік № 231 Масква – Мінск адпраўленнем з Масквы ў 18:17;

8 мая цягнік № 237 Масква – Брэст адпраўленнем з Масквы ў 11:16;

Полацк – Віцебск – Масква:

у перыяд з 27 красавіка па 9 мая цягнік № 239 Полацк – Масква адпраўленнем з Полацка ў 18:30;

у перыяд з 28 красавіка па 10 мая цягнік № 240 Масква – Полацк адпраўленнем з Масквы ў 23:41.

Таксама, у залежнасці ад попыту на перавозкі, будзе павялічана колькасць месцаў для праезду пасажыраў у рэгулярных цягніках.

Работа па прызначэнні дадатковых цягнікоў працягваецца. Больш падрабязную інфармацыю аб прызначаных дадатковых цягніках і часу іх адпраўлення можна атрымаць на сайце www.rw.by, у мабільным дадатку «БЧ. Мой цягнік», а таксама па тэлефоне 105 кантакт-цэнтра БЧ.

Інфармацыя падрыхтавана прэс-цэнтрам БЧ