«Адзіны дзень пасажыра» Беларускай чыгункі пройдзе 24 чэрвеня 2021 года ў дыстанцыйным фармаце
22 чэрвеня 2021
З улікам эпідэміялагічнага становішча і ў мэтах захавання здароўя пасажыраў у чэрвені гэтага года Беларуская чыгунка правядзе «Адзіны дзень пасажыра» ў дыстанцыйным фармаце.
23 і 24 чэрвеня грамадзяне могуць задаць свае пытанні спецыялістам БЧ:
- па тэлефоне 151 Кантакт-цэнтра Беларускай чыгункі;
- праз электронную пошту brail@rw.by;
- праз чат-боты ў мессенджерах Viber, Telegram, WhatsApp і Facebook;
пры гэтым неабходна ўказаць, што пытанне зададзена ў рамках «Адзінага дня пасажыра». Адказы на пытанні, якія паступілі будуць апублікаваны на афіцыйным сайце Беларускай чыгункі.
Непасрэдна 24 чэрвеня 2021 года з 11-00 да 14-00 на пытанні пасажыраў будуць адказваць кіраўнікі пасажырскай службы Упраўлення Беларускай чыгункі. На працягу трох гадзін свае пытанні ім можна будзе задаць па тэлефоне 151 (званок даступны з нумароў станцыянарнай тэлефоннай сеткі, а таксама ўсіх мабільных аператараў).
«Адзіны дзень пасажыра» праводзіцца на Беларускай чыгунцы рэгулярна, пачынаючы з 2015 года. 4 разы на год прадстаўнікі пасажырскай службы Упраўлення Беларускай чыгункі, кіраўнікі і спецыялісты аддзяленняў чыгункі сустракаюцца з пасажырамі на чыгуначных вакзалах краіны з мэтай вывучэння меркавання спажыўцоў транспартных паслуг, атрымання зваротнай сувязі.
Як паказвае практыка, правядзенне такіх мерапрыемстваў спрыяе далейшаму ўдасканаленню пасажырскіх перавозак і павышэнню якасці аказваемых паслуг.
Беларуская чыгунка адкрыта для сувязі з пасажырамі і гатова выслухаць іх пажаданні і прапановы.
Інфармацыя падрыхтавана прэс-цэнтрам БЧ
Да спісу навін за 2021 год