Беларуская чыгунка і ААТ «РЖД» працягваюць работу па паэтапным аднаўленні міжнародных чыгуначных зносін

09 красавіка 2021

Беларуская чыгунка ва ўзаемадзеянні з ААТ «РЖД» працягвае работу па паэтапным аднаўленні міжнародных пасажырскіх зносін паміж Рэспублікай Беларусь і Расійскай Федэрацыяй.

Так, з 13 красавіка 2021 года фірмовы хуткі цягнік «Беларусь» № 2/1 Мінск–Масква, фарміравання Беларускай чыгункі, прызначаецца ў штодзённы абарот.

Таксама з 13 красавіка 2021 года аднаўляе рух цягнік № 52/51 Брэст/Мінск–Санкт-Пецярбург, фарміравання Беларускай чыгункі, адпраўленнем з Брэста ў 14:30 (з Мінска ў 18:44) і прыбыццём у Санкт-Пецярбург у 7:55. З Санкт-Пецярбурга цягнік адправіцца ў 18:23 і прыбудзе ў Мінск у 7:15, а ў Брэст – у 11:56. Цягнік будзе курсіраваць штодзённа.

Акрамя гэтага, з 13 красавіка 2021 года пачне курсіраваць цягнік № 4/3 Масква–Брэст, фарміравання Беларускай чыгункі, адпраўленнем з Брэста ў 17:37 па няцотных чыслах і прыбыццём у Маскву ў 6:53 па цотных чыслах. З Масквы цягнік будзе адпраўляцца ў 22:17 па цотных чыслах і прыбываць у Брэст у 10:31 па няцотных чыслах. Цягнік будзе курсіраваць праз дзень, пры сумежных чыслах 31 і 1: з Брэста – 29, 1, 3, з Масквы – 30, 2, 4.

З 27 красавіка 2021 года прызначаецца ў абарот цягнік № 302/301 Мінск/Гомель–Адлер. У першы рэйс цягнік адправіцца з Мінска ў 12:20 (з Гомеля ў 17:40) 27 красавіка 2021 года і прыбудзе ў Адлер 29 красавіка ў 12:32. З Адлера цягнік адправіцца 29 красавіка 2021 года ў 16:08 і прыбудзе 1 мая 2021 года ў Гомель у 12:30, а ў Мінск – у 17:09. На першапачатковым этапе курсіраванне дадзенага цягніка будзе арганізавана па датах (1 раз у 4 дні).

Звяртаем увагу, што ажыццяўленне праезду названымі цягнікамі прадугледжана толькі для грамадзян Рэспублікі Беларусь і Расійскай Федэрацыі.

Таксама нагадваем, што пасажыры, якія едуць за мяжу чыгуначным транспартам, абавязаны мець медыцынскія дакументы, якія пацвярджаюць адмоўны вынік лабараторнага даследавання на інфекцыю COVID-19, выкананага не пазней, чым за 3 сутак да даты перасячэння мяжы, і выконваць пры знаходжанні на чыгуначных вакзалах і ў цягніках масачны рэжым.

Актуальную інфармацыю аб графіку руху дадзеных цягнікоў, кошце і правілах праезду можна атрымаць на сайце www.rw.by, з дапамогай афіцыйнага мабільнага дадатка «БЧ. Мой поезд» і па тэлефоне Кантакт-цэнтра Беларускай чыгункі 105 (падтрымка пасажыраў, якія знаходзяцца па-за межамі Рэспублікі Беларусь, па тэлефоне +375 222 39 25 47).

Беларуская чыгунка будзе аператыўна інфармаваць аб аднаўленні курсіравання іншых пасажырскіх цягнікоў у міжнародных зносінах.

Інфармацыя падрыхтавана прэс-цэнтрам БЧ