З 28 сакавіка 2021 года маршрут цягнікоў гарадскіх ліній Мінск–Смалявічы будзе прадоўжаны да станцыі Чырвоны Сцяг

22 сакавіка 2021

У мэтах павышэння ўзроўню транспартнай даступнасці Мінскага рэгіёну і ў адпаведнасці з указам Прэзідэнта Беларусі ад 25.04.2012 года №202 «Аб мерах па развіцці перавозак пасажыраў чыгуначным транспартам агульнага карыстання» (са зменамі ад 18.01.2021) з 28 сакавіка 2021 года маршрут цягнікоў гарадскіх ліній Мінск–Смалявічы прадаўжаецца да станцыі Чырвоны Сцяг з прыпынкам на прыпыначным пункце Зарэчнае, які размешчаны ў межах горада-спадарожніка. Продаж білетаў адкрыецца з 00.00 гадзін 28 сакавіка.

Для зручнасці і бяспекі пасажыраў цягнікоў гарадскіх ліній, а таксама стварэння ўмоў для перасадкі ў гарадскі грамадскі транспарт у 2023 годзе будзе выканана рэканструкцыя прыпыначнага пункта Зарэчнае з прыцягненнем бюджэтных крыніц фінансавання.

Прадаўжэнне маршруту руху дазволіць забяспечыць поўны ахоп г. Смалявічы чыгуначным транспартам з улікам існуючага і перспектыўнага попыту на перавозкі ў гарадскіх зносінах.

Інфармацыя падрыхтавана прэс-цэнтра