Беларуская чыгунка інфармуе!
05 красавіка 2020
У сувязі з паведамленнем ААТ «РЖД» на падставе рашэння Расспажыўнагляду з 5 красавіка 2020 года часова адмяняецца курсіраванне наступных цягнікоў:
№ 2/1 Мінск–Масква адпраўленнем з Мінска з 05.04.2020, з Масквы з 06.04.2020;
№ 52/51 Брэст/Мінск–Санкт-Пецярбург, адпраўленнем з Брэста з 05.04.2020, з Санкт-Пецярбурга з 06.04.2020.
Звяртаем увагу пасажыраў, што 5 красавіка цягнік № 52 пройдзе па маршруце Брэст–Віцебск.
Нявыкарыстаныя праязныя дакументы на адмененыя цягнікi можна будзе вярнуць у білетных касах без збірання дадатковых плат і збораў. Вяртанне грашовых сродкаў будзе адбывацца на падставе праязных дакументаў (білетаў). Тэрміны вяртання праязных дакументаў не абмежаваныя.
Вяртанне правазных плацяжоў па электронных праязных дакументах ажыццяўляецца праз інтэрнэт-рэсурс, на якім быў набыты праязны дакумент.
Просім пасажыраў з разуменнем паставіцца да сітуацыі, якая склалася. Аб аднаўленні міжнародных пасажырскіх чыгуначных зносін будзе абвешчана дадаткова.
Актуальную інфармацыю аб арганізацыі руху міжнародных пасажырскіх цягнікоў можна атрымаць на сайце www.rw.by, а таксама ў чыгуначных касах, з дапамогай афіцыйнага мабільнага дадатку «БЧ. Мой поезд» і па тэлефоне Кантакт-цэнтра Беларускай чыгункі 105 (падтрымка пасажыраў, якія знаходзяцца па-за межамі Рэспублікі Беларусь, па тэлефоне +375 222 39 25 47).
Інфармацыя падрыхтавана прэс-цэнтрам БЧ
Да спісу навін за 2020 год