Беларуская чыгунка інфармуе аб змяненні графіка руху цягнікоў па маршруце Брэст—Цярэспаль—Брэст

26 жніўня 2019

У верасні змяняецца парадак курсіравання цягнікоў у прыгранічных зносінах Брэст—Цярэспаль—Брэст.

З 2 верасня прызначаецца ў штодзённае курсіраванне цягнік міжнародных ліній № 121/122 Брэст—Цярэспаль—Брэст.

Цягнік міжнародных ліній № 121/122 быў адменены па прычыне правядзення рамонтных работ на тэрыторыі Польскай чыгункі.

Цягнік № 121 Брэст—Цярэспаль будзе адпраўляцца са станцыі Брэст-Цэнтральны ў 13.00 і прыбываць у Цярэспаль у 12.20. У адваротным кірунку цягнік № 122 Цярэспаль—Брэст будзе адпраўляцца з Цярэспаля ў 13.51 і прыбываць на станцыю Брэст-Цэнтральны ў 15.12. (Па станцыі Брэст-Цэнтральны час паказаны беларускі, па станцыі Цярэспаль — польскі).

Звяртаем увагу, што 1 верасня адменена курсіраванне цягнікоў № 121/122, № 123/124 Брэст—Цярэспаль—Брэст, а таксама 2 верасня не будзе курсіраваць цягнік № 119/120 Брэст—Цярэспаль—Брэст.

З 3 верасня паміж Брэстам і Цярэспалем адновіцца рух усіх 3 пар міжнародных цягнікоў: № 119/120, № 121/122 і № 123/124.

Больш падрабязную інфармацыю аб раскладзе руху цягнікоў па маршруце Брэст—Цярэспаль можна атрымаць на афіцыйным сайце Беларускай чыгункі і ў Кантакт-цэнтры па тэлефоне 105.

Інфармацыя падрыхтавана прэс-цэнтрам БЧ