Беларуская чыгунка інфармуе: рух цягнікоў на ўчастку Орша—Віцебск поўнасцю адноўлены
29 ліпеня 2019
27 ліпеня 2019 года ў 00 гадзін рух цягнікоў на ўчастку Орша—Віцебск адноўлены ў поўным аб'ёме.
Цягнікі міжнародных, міжрэгіянальных і рэгіянальных ліній ідуць па вызначаным маршруце з прыняццем мер па ўводу ў графік руху. Продаж праязных дакументаў (білетаў) ажыццяўляецца ў штатным рэжыме.
Нагадваем, рух на ўчастку Орша—Віцебск быў прыпынены 24 ліпеня ў 18 гадзін 14 хвілін у выніку транспартнага здарэння.
Беларуская чыгунка выказвае падзяку Віцебскаму абласному выканаўчаму камітэту, Міністэрству па надзвычайных сітуацыях, Міністэрству ўнутраных спраў, Міністэрству аховы здароўя Рэспублікі Беларусь, а таксама УП «Віцебскаблгаз» і ААТ «Віцебскаблаўтатранс» за прафесійныя і ўзгодненыя дзеянні пры ліквідацыі вынікаў здарэння.
Асаблівыя словы падзякі за разуменне і цярпенне ў гэтай сітуацыі Беларуская чыгунка выказвае пасажырам і просіць прабачэння за прычыненыя нязручнасці.
Інфармацыя падрыхтавана прэс-цэнтрам БЧ
Да спісу навін за 2019 год