Вы выкарыстоўваеце састарэлы браўзэр. Каб карыстацца ўсімі магчымасцямі сайта, загрузіце і ўсталюйце адзін з гэтых браўзэраў:

Language
Чым Вам дапамагчы?

Навіны для пасажыраў

Чэрвень

  • 21 чэрвеня 2019
    Беларуская чыгунка прызначыла дадатковыя цягнікі для дастаўкі гасцей і ўдзельнікаў рэспубліканскага свята «Купалле» («Александрыя збірае сяброў»)

    6 і 7 ліпеня прыехаць на свята «Купалле» у аграгарадку Александрыя на мяжы Магілёўскай і Віцебскай абласцей па чыгунцы можна рэгулярнымі цягнікамі рэгіянальных і міжрэгіянальных ліній з Магілёва, Оршы, Гомеля, Віцебска, Крычава і Полацка, якія робяць прыпынак на станцыі Копысь.

    Графік руху дадатковых цягнікоў складзены з улікам часу пачатку і заканчэння канцэртнай праграмы.

    Так, 6 ліпеня, у дадатак да дзеючага расклада прызначаны дадатковыя цягнікі ў зносінах Магілёў—Копысь—Магілёў і Орша—Копысь—Орша:

    Чытаць далей…
  • 17 чэрвеня 2019
    Беларуская чыгунка інфармуе

    16 чэрвеня ў 15 гадзін 57 мінут пры накіраванні электрацягніка міжрэгіянальных ліній бізнес-класа № 709 Гомель—Мінск на перагоне Салтанаўка—Хальч узнікла тэхнічная няспраўнасць, якая пацягнула за сабой збой у электроннай сістэме цягніка. Дадзеная няспраўнасць не прывяла за сабой пагрозу бяспецы руху, але разам з тым не дазволіла працягнуць далейшы рух саставу.

    Беларускай чыгункай былі прыняты неабходныя меры па аднаўленні руху цягніка. Цягнік № 709 накіроўваўся ў 14-вагоннай састаўнасці (два 7-вагонных электрацягніка ЭПМ). У сувязі з тым, што тэхнічная няспраўнасць узнікла ў абсталяванні аднаго з электрацягнікоў, пасажыраў перасадзілі ў спраўны электрацягнік і ў 19 гадзін 57 мінут састаў цягніка № 709 адправіўся са станцыі Жлобін. Затрымка па прыбыцці на станцыю Мінск-Пасажырскі склала 3 гадзіны 55 мінут.

    У выніку 760 пасажыраў цягніка № 709, якія ехалі з Гомеля ў Мінск, а таксама 445 пасажыраў цягніка № 708, якія павінны былі адправіцца ў гэты дзень з Мінска ў Гомель, пацярпелі нязручнасці.

    З мэтай мінімізацыі наступстваў таго, што здарылася ў дарозе, цягніковая брыгада апытала пасажыраў, былі складзены спісы грамадзян, якім неабходна працягнуць маршрут з Мінска з перасадкай. Пры неабходнасці ім былі перааформлены чыгуначныя білеты на пазнейшыя рэйсы. Таксама быў арганізаваны падвоз пасажыраў з вакзала станцыі Мінск-Пасажырскі ў Нацыянальны аэрапорт Мінск, па ўзгадненні з аўтамабільнымі перавозчыкамі быў скарэктаваны час адпраўлення аўтобусных рэйсаў на Варшаву і Рыгу. Пасажырам, якія накіроўваліся з перасадкай на цягнік Мінск-Вільнюс, былі перааформлены білеты на ранішні рэйс 17 чэрвеня і прапанаваны месцы ў гасцініцы «Экспрэс».

    У сувязі з сітуацыяй, якая ўзнікла, дастаўка пасажыраў, якія набылі білеты на электрацягнікі міжрэгіянальных ліній бізнес-класа № 708 Мінск—Гомель і № 707 Гомель—Мінск адпраўленнем 16 чэрвеня з Мінска ў 19 гадзін 00 мінут і 17 чэрвеня з Гомеля ў 7 гадзін 00 мінут адпаведна, ажыццяўлялася пасажырскімі вагонамі лакаматыўнай цягі.


    Чытаць далей…