.png)
Беларуская чыгунка прымае аператыўныя меры па ліквідацыі вынікаў стыхіі
14 ліпеня 2016
13 ліпеня ў 14.55 у выніку шквалістага ветру і навальнічных разрадаў адбылося адключэнне электраэнергіі на Асіповіцкім і Баранавіцкім кірунках у межах Мінскага чыгуначнага вузла, а таксама прылеглых да яго ўчасткаў.
У перыяд праходжання навальнічнага фронту ў дадзеных раёнах знаходзілася ў руху больш за 20 цягнікоў на электрычнай цязе.
Для аднаўлення руху былі задзейнічаны 23 лакаматыва на дызельнай цязе.
Арганізаваны работы па аднаўленні энергазабеспячэння. У работах задзейнічана больш за 500 чалавек і неабходная аварыйна-аднаўленчая тэхніка.
Беларуская чыгунка просіць пасажыраў з разуменнем паставіцца да сітуацыі, якая склалася, сачыць за магчымай зменай графіка руху цягнікоў і просіць прабачэння за дастаўленыя нязручнасці.
Інфармацыя падрыхтавана прэс-цэнтрам БЧ
Да спісу навін за 2016 год
