12 ліпеня ў 12.47 са станцыі Мінск-Пасажырскі адправіцца ў першы рэйс цягнік міжрэгіянальных ліній № 644/643 Мінск—Віцебск, прызначаны Беларускай чыгункай на час правядзення фестывалю «Славянскі базар у Віцебску»
07 ліпеня 2016
Цягнік будзе курсіраваць штодня з Мінска з 12 па 21 ліпеня падчас правядзення ХХV Міжнароднага фестывалю мастацтваў «Славянскі базар у Віцебску». Беларуская чыгунка прадугледзела зручны графік руху цягніка не толькі ў Віцебск, а таксама ў адваротным кірунку. Цягнік міжрэгіянальных ліній будзе адпраўляцца са станцыі Мінск-Пасажырскі ў 12.47 і прыбываць у Віцебск у 16.32. Госці фестывалю, якія едуць на вячэрнія канцэрты «Славянскага базару», паспяваюць да іх пачатку азнаёміцца з выдатнымі мясцінамі горада на Заходняй Дзвіне, акунуцца ў фестывальную атмасферу. Камфортным будзе і рух у зваротным кірунку. На гэтым жа цягніку пасажыры змогуць выехаць з Віцебска ноччу ў 01.32 і быць у Мінску раніцай у 05.27.
Спецыяльны цягнік да «Славянскага базару» Беларуская чыгунка прызначае ўжо шосты год запар. Гэтую прапанову Беларускай чыгункі карыстаецца ўсё большым попытам.
У шляху прыхільнікам фестывалю будзе прадастаўлена магчымасць вывучыць святочную праграму «Славянскага базару». Тэматыка фестывалю будзе адлюстравана і ў афармленні цягніка. У вагонах будуць размешчаны святочныя плакаты, макеты з маршрутнымі паказальнікамі. Эмблема фестывалю будзе прысутнічаць на бэйдж ў работнікаў цягніковай брыгады, якая
абслугоўвае склад цягніка.
Вакзал «фестывальнай сталіцы» у Віцебску гатовы сустракаць удзельнікаў і гасцей
свята. Віцебскі вакзал — адзін з найстарэйшых на Беларускай чыгунцы. У гэтым годзе яму спаўняецца 150 гадоў. Штосутачна з вакзала адпраўляецца
каля 5,5 тысяч чалавек. Новае аблічча вакзал прыняў за апошнія гады ў выніку праведзенай
рэканструкцыі. Тут створаны ўсе ўмовы для забеспячэння высокі ўзровень абслугоўвання. Вакзал абсталяваны сучаснымі тэхнічнымі і тэхналагічнымі рашэннямі. Да паслуг пасажыраў — аб'екты рознічнага гандлю, грамадскага харчавання і бытавога
абслугоўвання.
Інфармацыя падрыхтавана прэс-цэнтрам БЧ
Да спісу навін за 2016 год