.png)
Прынята тарыфная палітыка чыгуначных адміністрацый краін СНД на 2023 год
31 кастрычніка 2022
25–28 кастрычніка 2022 года ў рэжыме анлайн адбылася XXXI Тарыфная Канферэнцыя чыгуначных адміністрацый – удзельніц Тарыфнага Пагаднення. На Канферэнцыі прынята Тарыфная палітыка чыгунак дзяржаў – удзельніц Садружнасці Незалежных Дзяржаў на перавозкі грузаў у міжнародных зносінах на 2023 фрахтавы год. Тарыфная палітыка распрацавана ў адпаведнасці з асноўнымі прынцыпамі Канцэпцыі ўстанаўлення ўзгодненай тарыфнай палітыкі на чыгуначным транспарце дзяржаў – удзельніц Садружнасці, зацверджанай Саветам кіраўнікоў СНД у кастрычніку 1996 года.
Функцыі Упраўлення справамі Тарыфнай палітыкі ў 2023 годзе ўскладзены на чыгуначную адміністрацыю Рэспублікі Казахстан.
Тарыфная палітыка СНД на 2023 год будзе размешчана на афіцыйным сайце ТАА «КТЖ – Грузавыя перавозкі», а таксама на афіцыйным сайце Беларускай чыгункі www.rw.by (раздзел «Грузавыя перавозкі»). У Тарыфную палітыку СНД таксама ўключаны базавыя тарыфныя ўмовы Беларускай чыгункі на 2023 год.
Інфармацыя падрыхтавана прэс-цэнтрам БЧ
Да спісу навін за 2022 год
