Беларуская чыгунка ў поўным аб'ёме забяспечвае перавозку цукровых буракоў на айчынныя перапрацоўчыя прадпрыемствы

10 верасня 2019

Беларуская чыгунка традыцыйна ўносіць ўклад у ўборку цукровых буракоў. Масавая перавозка карняплодаў чыгуначным транспартам на айчынныя цукровыя заводы ажыццяўляецца з верасня па снежань. Такі графік абумоўлены тэхналогіяй вырошчвання і захоўвання буракоў, а таксама магутнасцямі прадпрыемстваў па іх перапрацоўцы.

Перавозкі ажыццяўляюцца строга ў адпаведнасці з заяўкамі цукровых заводаў і ўзгодненымі графікамі канцэрна «Белдзяржхарчпрам». У мэтах выключэння прастою вагонаў пагрузка буракоў вызначаецца тэмпам выгрузкі на цукровых камбінатах.

Буракі адгружаюцца ўсім чатыром цукровым заводам краіны: Скідзельскаму, Гарадзейскаму, Жабінкаўскаму і Слуцкаму. Першая пагрузка пачата 27 жніўня ААТ «Гарадзейскі цукровы камбінат».

Максімальны сярэднясутачны аб'ём пагрузкі чакаецца ў кастрычніку і складзе больш за 400 вагонаў кожныя суткі.

Усяго аб'ёмы перавозак цукровых буракоў чыгуначным транспартам плануюцца на ўзроўні 2018 года і складуць больш 1,9 млн тон.

Інфармацыя падрыхтавана прэс-цэнтрам БЧ