Начальнік Беларускай чыгункі Валерый Вярэніч правёў рабочую сустрэчу з Надзвычайным і Паўнамоцным Паслом Рэспублікі Узбекістан у Рэспубліцы Беларусь Нурыддзінам Мамажонавым

25 верасня 2026

24 верасня ва Ўпраўленні Беларускай чыгункі прайшла рабочая сустрэча Начальніка Беларускай чыгункі Валерыя Вярэніча з Паслом Узбекістана ў Беларусі Нурыдзінам Мамажонавым. Падчас сустрэчы бакі надалі асаблівую ўвагу пытанням, звязаным з развіццём транспартна-лагістычных паслуг у галіне чыгуначнага транспарту, у тым ліку рэалізацыі праекта скразнога грузавога цягніка «Славянскі караван», а таксама пытанням павелічэння аб'ёму грузаперавозак паміж Узбекістанам і Беларуссю.

Першы цягнік «Славянскі караван» па маршруце Рэспубліка Беларусь – Рэспубліка Узбекістан адправіўся 30 ліпеня 2026 года. Менш чым за два месяцы была забяспечана адпраўка з Беларусі ва Узбекістан ужо дзесяці скразных цягнікоў. Важнай перавагай фармату з'яўляецца хуткасць дастаўкі і рэгулярнасць руху без перафармавання або затрымак у шляху.

Таксама бакі абмеркавалі перспектывы супрацоўніцтва ў галіне прамысловай кааперацыі. Кіраўнік беларускай магістралі праінфармаваў аб зацікаўленасці ў арганізацыі паставак ва Узбекістан прадукцыі чыгуначнага прызначэння, што вырабляецца прадпрыемствамі Беларускай чыгункі.

Інфармацыя падрыхтавана прэс-цэнтрам БЧ