Беларуская чыгунка абнаўляе парк грузавых вагонаў

03 верасня 2026

За 8 месяцаў 2026 года на дарогу пастаўлена 43 вагона-платформы вытворчасці ЗАТ «Асіповіцкі завод транспартнага машынабудавання». Таксама запланавана набыццё яшчэ 42 вагонаў-платформаў і 15 крытых вагонаў. Плануецца, што яны паступяць на БЧ да канца бягучага года. У цэлым вагонны парк Беларускай чыгункі папоўняць 100 новых вагонаў. Дадзены рухомы састаў БЧ запатрабаваны грузаадправіцелямі для перавозкі шырокай наменклатуры грузаў, такіх як будаўнічыя матэрыялы, сельскагаспадарчая тэхніка, прадукцыя папяровай прамысловасці, прадукты харчавання і зборныя грузы.

Для ведама:

ЗАТ «ОЗТМ» – гэта новае сучаснае прадпрыемства па выпуску грузавога чыгуначнага рухомага складу, універсальных кантэйнераў і кантэйнераў-цыстэрнаў (танк-кантэйнераў), якое было створана ў снежні 2016 года.

Акрамя вытворчасці асноўнай прадукцыі ЗАТ «ОЗТМ» мае тэхнічную магчымасць аказваць шырокі пералік паслуг і выконваць вялікі спектр работ: выраб рэзервуараў, ёмістасцяў для захоўвання харчовых і небяспечных рэчываў, розных вырабаў з металу па чарцяжах заказчыка, металаапрацоўка, тэрмічная апрацоўка, радыеграфічны і ультрагукавы кантроль, каляровая дэфектаскапія, выпрабаванні, рамонт і агляд кантэйнераў, арэнда кантэйнераў-цыстэрнаў і сухагрузных кантэйнераў.

Сёння вытворчыя магутнасці завода дазваляюць выпускаць да 2 тыс. грузавых вагонаў у год.

Інфармацыя падрыхтавана прэс-цэнтрам БЧ