З 15 па 24 снежня 2025 года Беларуская чыгунка правядзе акцыю «Дзеці і бяспека»
11 снежня 2025
Напярэдадні школьных зімовых канікул Беларуская чыгунка традыцыйна правядзе акцыю «Дзеці і бяспека», якая накіравана на папярэджанне і прафілактыку дзіцячага траўматызму і гібелі непаўналетніх на аб'ектах чыгуначнага транспарту.
У перыяд правядзення акцыі работнікі Беларускай чыгункі сумесна з членамі грамадскіх фарміраванняў, супрацоўнікамі органаў унутраных спраў арганізуюць рэйды, падчас якіх нададуць асаблівую ўвагу дзецям і падлеткам, якія знаходзяцца без нагляду дарослых паблізу чыгуначных пуцей, на вакзалах, станцыях і ў цягніках.
Аб мерах бяспекі пры знаходжанні на аб'ектах чыгуначнага транспарту пасажыраў таксама дадаткова праінфармуюць на вакзалах і ў цягніках.
У працоўных калектывах прадпрыемстваў і ва ўстановах адукацыі, размешчаных паблізу чыгункі, правядуць тэматычныя прафілактычныя гутаркі.
Работа па папярэджанні няшчасных выпадкаў з удзелам непаўналетніх на аб'ектах чыгуначнага транспарту праводзіцца на Беларускай чыгунцы рэгулярна і знаходзіцца на асаблівым кантролі, разам з тым праблема застаецца актуальнай.
Так, за 11 месяцаў 2025 года пацярпелі 8 непаўналетніх, з іх 5 траўмаваныя смяротна, за аналагічны перыяд 2024 года загінула 2 непаўналетніх.
Беларуская чыгунка заклікае грамадзян быць больш уважлівымі на аб'ектах чыгуначнага транспарту: не пакідаць дзяцей адных і не дазваляць ім гуляць паблізу чыгуначных пуцей, не хадзіць па чыгуначных пуцях, не пераходзіць іх у неўстаноўленых месцах.
Акрамя таго, забараняецца перабягаць шляхі перад надыходзячым цягніком, скакаць з платформаў, падлазіць пад рухомы састаў, катацца на кабінах і дахах маторвагоннага рухомага саставу і лакаматываў, карыстацца паблізу чыгуначнага палатна навушнікамі і размаўляць па мабільным тэлефоне.
Выконвайце правілы знаходжання на аб'ектах чыгуначнага транспарту, беражыце сябе і сваіх блізкіх і памятайце: чыгунка – гэта зона падвышанай небяспекі!
Хай канікулы пройдуць бяспечна і весела!
Інфармацыя падрыхтавана прэс-цэнтрам БЧ
