24 снежня 2025 года ў першы рэйс адправіцца «Навагодні экспрэс» Дзіцячай чыгункі імя К.С.Заслонава
05 снежня 2025
«Навагодні экспрэс» будзе курсіраваць па Дзіцячай чыгунцы імя К.С.Заслонава ў дні зімовых канікул, калядных і навагодніх святаў з 24 снежня 2025 года па 7 студзеня 2026 года.
Падарожжа на святочным цягніку падарыць пасажырам масу станоўчых эмоцый. У дарозе гасцей будуць суправаджаць героі любімых казак. На станцыі Сасновы бор дзеці і іх бацькі зробяць прыпынак. Тут, на лясной паляне, будзе арганізавана навагодняе тэатралізаванае прадстаўленне з удзелам Дзеда Мароза і Снягуркі, а таксама персанажаў вядомых мультфільмаў.
Падарожжа ў святочна ўпрыгожаных вагонах «Навагодняга экспрэса» можна будзе здзейсніць 24–31 снежня 2025 года, а таксама 1–4 і 7 студзеня 2026 года. У гэтыя дні саставы цягніка зробяць ад двух да чатырох рэйсаў. Працягласць усяго падарожжа складзе 1 гадзіну 20 хвілін.
Адправіцца ў госці да Дзеда Мароза на «Навагоднім экспрэсе» можна будзе 24, 30 снежня 2025 года і 1 студзеня 2026 года ў 14:20 і 16:00, 29 і 31 снежня 2025 года – у 11:00 і 12:40. 25–28 снежня 2025 года, 2–4 і 7 студзеня 2026 года – у 11:00, 12:40, 14:20 і 16:00.
Кошт святочнага падарожжа (незалежна ад узросту) – 35 рублёў.
Папярэдні продаж білетаў на «Навагодні экспрэс» Дзіцячай чыгункі адкрыецца 16 снежня 2025 года.
Таксама ўсе жадаючыя, незалежна ад узроўню падрыхтоўкі, змогуць паспрабаваць сябе ў ролі машыніста, дзякуючы гульнявому модулю, устаноўленаму ў зале чакання на станцыі Заслонава. Ён уяўляе сабой сапраўднае працоўнае месца, дзе на панэлі размешчана сістэма кіравання, а на вокнах-экранах адлюстроўваецца рух па ўчастку чыгункі.
Квіткі на «Навагодні экспрэс» можна набыць у касе станцыі Заслонава Дзіцячай чыгункі па адрасе: г. Мінск, пр. Незалежнасці, 86.
Квіткі ў вагоны № 4, 5 і 6 «Навагодняга экспрэса» будуць рэалізоўвацца праз інтэрнэт-сэрвісы bycard.by і 24afisha.by, а ў дзень паездкі (пры наяўнасці свабодных месцаў) – у касе Дзіцячай чыгункі.
Каса Дзіцячай чыгункі будзе працаваць штодня з 16 снежня 2025 года па 7 студзеня 2026 года з 10:00 да 17:00.
Перапынак з 13:00 да 13:30. 31 снежня 2025 года каса працуе з 10:00 да 15:00, а 1 студзеня 2026 года – з 12:00 да 17:00
Даведачную інфармацыю аб наяўнасці білетаў можна атрымаць па тэлефонах: +375 17 270-18-75, +375 17 379-65-75.
Напярэдадні навагодніх і калядных святаў запрашаем усіх жадаючых здзейсніць незабыўнае займальнае падарожжа на святочным цягніку і атрымаць зарад станоўчых эмоцый.
Інфармацыя падрыхтавана прэс-цэнтрам БЧ
