Прадстаўнікі Беларускай чыгункі прымуць удзел у XIV Міжнароднай навукова-практычнай канферэнцыі «Праблемы бяспекі на транспарце»

19 лістапада 2025

XIV Міжнародная навукова-практычная канферэнцыя «Праблемы бяспекі на транспарце», прысвечаная пяцігодцы якасці, пройдзе 20–21 лістапада 2025 года ў Беларускім дзяржаўным універсітэце транспарту.

Яна арганізавана пры падтрымцы Міністэрства транспарту і камунікацый Рэспублікі Беларусь і Беларускай чыгункі.

У вочнай і дыстанцыйнай формах работы 11 секцый канферэнцыі прымуць удзел больш за 400 навукоўцаў і спецыялістаў з Беларусі, Расіі, Узбекістана, Казахстана, Кітая, Туркменістана і Азербайджана.

Беларускую магістраль на форуме прадставяць намеснік Начальніка дзяржаўнага аб'яднання «Беларуская чыгунка» Пётр Стоцкі і галоўны інжынер магістралі Сяргей Навадворскі, а таксама больш за 30 профільных спецыялістаў, якія прымуць удзел у пленарным пасяджэнні канферэнцыі, круглых сталах і секцыях.

Праграмай мерапрыемства прадугледжана абмеркаванне пытанняў па бяспецы транспартных сістэм, пасажырскіх перавозак, надзейнасці рухомага складу, сістэм аўтаматыкі, тэлемеханікі і сувязі, транспартнай інфраструктуры, будаўнічага комплексу, экалагічнай, энергетычнай і эканамічнай бяспекі, транспартнай бяспекі пры пагрозе ўзнікнення надзвычайных сітуацый, фундаментальных навуковых даследаванняў у галіне бяспекі транспартных сістэм. Упершыню будуць разглядацца пытанні развіцця адукацыі ў сістэме забеспячэння кадравай бяспекі транспартнага комплексу.

Інфармацыя падрыхтавана прэс-цэнтрам БЧ