24 лістапада 2025 года работнікі Ўпраўлення Беларускай чыгункі сустрэліся са старшынёй Ленінскай раённай арганізацыі горада Мінска РГА «Белая Русь» Наталляй Новік
25 лістапада 2025
Мерапрыемства прайшло пры ўдзеле начальніка аддзела ідэалогіі і сацыяльна-культурнай работы Ўпраўлення БЧ Андрэя Баравога і старшыні першаснай арганізацыі РГА «Белая Русь» Упраўлення Беларускай чыгункі Ірыны Надольскай.
Выступаючы перад прысутнымі, Наталля Новік на прыкладзе працы Ленінскай раённай арганізацыі РГА «Белая Русь» падрабязна распавяла прысутным аб дзейнасці грамадскага аб'яднання, яго прыярытэтных задачах, планах і мэтах.
Наталля Аляксандраўна звярнула ўвагу на рост колькасці першасных арганізацый, утвораных у бягучым годзе на тэрыторыі Ленінскага раёна сталіцы, і колькасці членаў грамадскага аб'яднання.
«Мы на пастаяннай аснове наведваем прадпрыемствы і арганізацыі раёна, дзе дзейнічаюць пяршоўкі «Белай Русі», а такіх сёння 160, каб пазнаёміцца з працоўнымі калектывамі і прыцягнуць да актыўнага супрацоўніцтва. Сёння РГА «Белая Русь» накіроўвае асноўныя намаганні на рэалізацыю сацыяльна значных праектаў. А іх нямала, самага рознага ўзроўню – ад раённых да рэспубліканскіх», – падкрэсліла Наталля Новік.
Відэапрэзентацыя наглядна прадэманстравала працу аб'яднання і падрабязна прадставіла асноўныя мерапрыемствы. Гэта патрыятычныя акцыі, творчыя конкурсы (для розных узроставых груп), валанцёрскія, адукацыйныя праекты, падтрымка маладых сем'яў, дзяцей, якія засталіся без бацькоў і г. д.
Вялікая ўвага надаецца рабоце з моладдзю. На тэрыторыі Ленінскага раёна размешчана адразу некалькі навучальных устаноў. На працягу года пры ўдзеле РГА «Белая Русь» для дзяцей і моладзі быў рэалізаваны шэраг ініцыятыў: ад сустрэч навучэнцаў з алімпійскім чэмпіёнам да навучання ў школе маладога лідара і маладога прамоўцы. У рамках работы па прафарыентацыі школьнікаў для дзяцей было арганізавана наведванне прадпрыемстваў, дзе працуюць іх бацькі з мэтай азнаямлення са спецыфікай прафесій.
Усяго з 2022 года было арганізавана больш за 800 мерапрыемстваў, у тым ліку 160 дыялогавых пляцовак.
«У першую чаргу важна не колькасць праводзімых мерапрыемстваў, а іх якасць», – падкрэсліла Наталля Новік. Яна запрасіла чыгуначнікаў далучацца да дзейнасці раённай арганізацыі «Белая Русь» і ўступаць у яе шэрагі.
Таксама госця праінфармавала аб рабоце грамадскай прыёмнай з прыцягненнем дэпутатаў Нацыянальнага сходу Рэспублікі Беларусь. Наталля Аляксандраўна адзначыла, што пытанні, з якімі звяртаюцца грамадзяне, закранаюць самы шырокі пералік тэм.
Ад імя работнікаў Ўпраўлення Ірына Надольская падзякавала Наталлю Новік за змястоўнае выступленне і запэўніла, што работнікі Ўпраўлення БЧ заўсёды рады падтрымаць добрыя ініцыятывы і стаць актыўнымі ўдзельнікамі іх рэалізацыі.
Інфармацыя падрыхтавана прэс-цэнтрам БЧ
