Галоўная / Карпаратыўны / Прэс-цэнтр / 2025 /

Карпаратыўныя навіны

Студзень

30 студзеня 2025
29 студзеня 2025 года ў галерэі «АртХаос» адбылася цырымонія перадачы карцін найбуйнейшым прадпрыемствам Рэспублікі Беларусь у рамках рэалізацыі творчага праекта «У свеце працы»

Сумесны праект Федэрацыі прафсаюзаў Беларусі і мастацкай галерэі «АртХаос» быў рэалізаваны ў рамках мерапрыемстваў, прымеркаваных да Года якасці. Беларускія мастакі наведвалі з экскурсіямі прадпрыемствы розных галін прамысловасці і транспарту Рэспублікі Беларусь і, натхніўшыся, пісалі мастацкія творы.

Дырэктар галерэі «АртХаос» Лілія Лукашэнка, вітаючы ўдзельнікаў мерапрыемства, адзначыла, што творчы праект «У свеце працы» накіраваны на ўслаўленне чалавека працы і дасягненняў сучаснай Беларусі за апошнія 30 гадоў. Лілія Валер'еўна падзякавала мастакоў і прадстаўнікоў прадпрыемстваў за праведзеную сумесную працу.

У рамках мерапрыемства на адрас Беларускай чыгункі была перададзена карціна «Вакзал Брэст-Цэнтральны» беларускага мастака Валерыя Патурава. Праца выканана на палатне ў тэхніцы алей.
Чытаць далей…
27 студзеня 2025
Наталля Качанава, давераная асоба кандыдата ў Прэзідэнты Аляксандра Лукашэнкі, 24 студзеня 2025 года сустрэлася з прадстаўнікамі працоўных калектываў прадпрыемстваў Мінскага аддзялення Беларускай чыгункі

Тэма сустрэчы старшыні Савета Рэспублікі Нацыянальнага сходу Рэспублікі Беларусь Наталлі Качанавай з работнікамі Беларускай чыгункі – дасягненні Рэспублікі Беларусь за апошнія 30 гадоў і электаральная кампанія па выбарах Прэзідэнта.

Звяртаючыся да прысутных, Наталля Іванаўна нагадала, што мы знаходзімся ў самым адказным перыядзе жыцця нашай краіны і зусім хутка вызначым яе будучыню. «Выбарчая кампанія праходзіць у адпаведнасці з заканадаўствам, выразна, зладжана, адкрыта і галосна для ўсіх людзей. Пачаўся яе фінальны этап, актыўна ідзе датэрміновае галасаванне. Больш за 25% выбаршчыкаў ужо зрабілі свой выбар», – адзначыла давераная асоба кандыдата ў прэзідэнты Аляксандра Лукашэнкі.
Чытаць далей…
27 студзеня 2025
Відэанавіны Беларускай чыгункі, студзень 2025 (169 выпуск)

Чыгуначнікі прынялі актыўны ўдзел у праводзімай электаральнай кампаніі па выбарах Прэзідэнта Рэспублікі Беларусь

На Беларускай чыгунцы прайшлі святочныя мерапрыемствы, прысвечаныя 162-годдзю стальной магістралі.

Адзіны дзень інфармавання правёў Начальнік дзяржаўнага аб'яднання «Беларуская чыгунка» ў калектыве лакаматыўнага дэпо Віцебск

Чытаць далей…
22 студзеня 2025
На Беларускай чыгунцы «Адзіны дзень пасажыра» пройдзе ў фармаце прамой тэлефоннай лініі 30 студзеня 2025 года

З любога рэгіёна краіны можна будзе патэлефанаваць з 11:00 да 14:00 па нумары 151 у Кантакт-цэнтр Беларускай чыгункі і задаць свае пытанні ці выказаць прапановы, звязаныя з арганізацыяй пасажырскіх перавозак чыгуначным транспартам. Званкі даступны як са стацыянарных, так і з мабільных тэлефонаў.

Акрамя таго, па тэлефоне 151 можна пакінуць свае пытанні, паказаўшы, што яны зададзены ў рамках «Адзінага дня пасажыра».

Аб правядзенні «Адзінага дня пасажыра» таксама інфармуюць у цягніках, на вакзалах і станцыях Беларускай чыгункі.
Чытаць далей…
17 студзеня 2025
Начальнік дзяржаўнага аб'яднання «Беларуская чыгунка» 17 студзеня 2025 года правёў адзіны дзень інфармавання ў калектыве лакаматыўнага дэпо Віцебск

Адзіны дзень інфармавання прайшоў пры ўдзеле начальніка Віцебскага аддзялення Беларускай чыгункі Аляксандра Хомчанкі, кіраўніцтва і работнікаў лакаматыўнага дэпо. Асноўная тэма размовы з калектывам: «Удзел у выбарах – права і грамадзянскі абавязак кожнага».

Валерый Емяльянавіч праінфармаваў работнікаў аб гатоўнасці да правядзення электаральнай кампаніі ўсіх органаў і структур дзяржаўнага кіравання і праве кожнага грамадзяніна прымаць удзел у вызначэнні будучыні сваёй краіны.

«Сёння Беларусь – незалежная, суверэнная дзяржава, з развітой сістэмай сацыяльных правоў і гарантый, якая паспяхова развіваецца прамысловай і сельскагаспадарчай вытворчасцю. Пацвярджэннем таму служыць паспяховая рэалізацыя прадукцыі айчынных вытворцаў тавараў, у тым ліку з выкарыстаннем чыгуначнага транспарту. Каб захаваць нашы агульныя дасягненні мы павінны прыйсці на выбары і аддаць свой голас за моцную і мірную Беларусь», – падкрэсліў Валерый Вярэніч.
Чытаць далей…
17 студзеня 2025
16 студзеня 2025 года ў Аршанскім каледжы-філіяле БелДУТа прайшоў адкрыты дыялог з Начальнікам дзяржаўнага аб'яднання «Беларуская чыгунка» Валерыем Вярэнічам

У Аршанскім каледжы-філіяле УА «Беларускі дзяржаўны ўніверсітэт транспарту» прайшла сустрэча Начальніка дзяржаўнага аб'яднання «Беларуская чыгунка» Валерыя Вярэніча з навучэнцамі і педагогамі. Валерый Емяльянавіч азнаёміўся з вучэбна-матэрыяльнай базай установы адукацыі, наведаў класы і лабараторыі.

У рамках сустрэчы была арганізавана дыялогавая пляцоўка. У ходзе адкрытай размовы асаблівую ўвагу Валерый Емяльянавіч надаў электаральнай кампаніі па выбарах Прэзідэнта Рэспублікі Беларусь, якая праводзіцца ў нашай краіне. Кіраўнік магістралі адзначыў важнасць удзелу моладзі ў вызначэнні будучыні нашай краіны.

Валерый Вярэніч адказаў на пытанні навучэнцаў. У сказаным на дарогу слове ён пажадаў будучым чыгуначнікам паспяховага завяршэння навучання і ўдачы на жыццёвым шляху.
Чытаць далей…
16 студзеня 2025
Нарада аб пытаннях забеспячэння інфармацыйнай бяспекі ў вытворчым працэсе адбылася 15 студзеня 2025 года ва Упраўленні Беларускай чыгункі

«У нашай краіне пытанні забеспячэння інфармацыйнай бяспекі знаходзяцца на асаблівым кантролі ў Кіраўніка дзяржавы, створана адпаведная нарматыўная база, якая рэгламентуе дадзеную сферу дзейнасці, арганізаваны маніторынг за яе выкананнем. Як правіла, выяўленыя парушэнні сведчаць аб недапрацоўках з боку кіраўнікоў прадпрыемстваў, што багата сур'ёзнымі наступствамі, перш за ўсё эканамічнага характару», – падкрэсліў у сваім дакладзе намеснік Начальніка дзяржаўнага аб'яднання «Беларуская чыгунка» Ігар Казлоўскі.

У мерапрыемстве прынялі ўдзел кіраўнікі ўсіх арганізацый і адасобленых структурных падраздзяленняў (філіялаў) Беларускай чыгункі, а таксама намеснікі, якія курыруюць дадзены кірунак дзейнасці.
Чытаць далей…
16 студзеня 2025
Работнікі Беларускай чыгункі ў рамках рэспубліканскай дабрачыннай акцыі «Нашы дзеці» акружылі цяплом і клопатам больш за 4 тысячы дзяцей

Прадстаўнікі арганізацый Беларускай чыгункі і Аб'яднанай галіновай прафсаюзнай арганізацыі чыгуначнікаў і транспартных будаўнікоў з 16 снежня 2024 года па 15 студзеня 2025 года ў рамках навагодняй дабрачыннай акцыі «Нашы дзеці» наведалі больш за 50 профільных устаноў ва ўсіх рэгіёнах Беларусі.

Па добрай традыцыі чыгуначнікі павіншавалі рабят з Новым годам і Калядамі. Кожнае дзіця атрымала падарунак і салодкія пачастункі. Таксама для дзяцей былі арганізаваны гульні, конкурсы і музычныя праграмы, падрыхтаваныя творчымі калектывамі культурна-спартыўных цэнтраў Беларускай чыгункі. Работнікі магістралі акружылі цяплом і клопатам больш за 4 тысячы дзяцей, падарыўшы ім святочны настрой і часцінку сваёй душы.

У рамках акцыі «Нашы дзеці» калектывамі арганізацый і прафсаюзнымі камітэтамі Беларускай чыгункі была аказана матэрыяльная дапамога на суму больш за 170 тысяч рублёў.
Чытаць далей…
16 студзеня 2025
14 студзеня 2025 года ў горадзе Мінску прайшоў форум маладых чыгуначнікаў «Час выбраў нас», прымеркаваны да выбараў Прэзідэнта Рэспублікі Беларусь

У мерапрыемстве прынялі ўдзел больш за 100 прадстаўнікоў моладзі – актывісты пярвічных арганізацый ГА «БРСМ» Мінскага аддзялення Беларускай чыгункі і прадпрыемстваў чыгуначнага падпарадкавання.

Пачаўся форум з наведвання чыгуначнікамі Беларускага дзяржаўнага музея гісторыі Вялікай Айчыннай вайны і ўскладання кветак у памяць аб загінуўшых абаронцах нашай Радзімы да стэлы «Мінск – горад-герой». Акрамя таго, для маладых работнікаў магістралі была арганізавана аглядная экскурсія па беларускай сталіцы.

У рамках форуму ў мінскім Палацы культуры і спорту чыгуначнікаў прайшла дыялогавая пляцоўка пры ўдзеле намесніка Начальніка дзяржаўнага аб'яднання «Беларуская чыгунка» Пятра Стоцкага, дэпутата Палаты прадстаўнікоў Нацыянальнага сходу Рэспублікі Беларусь Сяргея Клішэвіча, сакратара Цэнтральнага камітэта ГА «БРСМ» Паўла Алекса і сакратара галіновага камітэта ГА «БРСМ» Беларускай чыгункі, дыспетчара па сігналізацыі і сувязі Мінскай дыстанцыі сігналізацыі і сувязі Паўла Рандаўцава.
Чытаць далей…
11 студзеня 2025
У 2024 годзе паслугамі турыстычнага цэнтра «Дартур» Беларускай чыгункі скарысталіся амаль 12 тысяч чалавек

Паслугамі турыстычнага цэнтра «Дартур» Беларускай чыгункі ў 2024 годзе скарысталіся 11775 чалавек, што амаль на 3 тыс. больш, у параўнанні з мінулым годам.

Штогод «Дартур» пашырае спектр культурна-пазнавальных, вытворчых і ваенна-патрыятычных экскурсійных праграм.

У 2024 годзе прыярытэтным напрамкам у рабоце турыстычнага цэнтра «Дартур» стала рэалізацыя міжнароднага сумеснага праекта ТАА «РЖД Тур» і Беларускай чыгункі – турыстычнага круізнага цягніка «Беларускі Ваяж». Яго асаблівасцю з'яўляюцца начныя пераезды ў фармаце «гатэль на колах» і прыпынкі ў буйных абласных цэнтрах Беларусі: Брэсце, Гродна і Мінску, дзе прадугледжаны разнастайныя экскурсійныя праграмы, знаёмства з беларускімі славутасцямі, культурай і традыцыямі нашай краіны, а таксама дэгустацыя страў нацыянальнай кухні.
Чытаць далей…
08 студзеня 2025
З 24 снежня 2024 года па 7 студзеня 2025 года «Навагодні Экспрэс» Дзіцячай чыгункі імя К.С. Заслонава перавёз амаль 11 тысяч пасажыраў

«Навагодні Экспрэс» курсіраваў у дні зімовых школьных канікул, калядных і навагодніх святаў. Састаў, упрыгожаны сняжынкамі і мігатлівымі гірляндамі, адпраўляўся ў падарожжа са станцыі Заслонава. Гасцей у вагонах суправаджалі героі вядомых казак, а на станцыі Сасновы Бор для дзяцей і іх бацькоў былі арганізаваны тэатралізаваныя паказы з удзелам Дзеда Мароза і Снягуркі, а таксама персанажаў вядомых мультфільмаў.

Усяго «Навагодні Экспрэс» зрабіў 43 рэйсы маршрутам Заслонава – Сасновы Бор. Ён перавёз 10 900 чалавек, што на 3500 больш, чым у сезон 2023/24 года. Сярод юных наведвальнікаў Дзіцячай чыгункі былі не толькі жыхары нашай краіны, але і госці з Расіі, Казахстана і Кітая.
Чытаць далей…
08 студзеня 2025
Ва Упраўленні Беларускай чыгункі пачала працу «гарачая лінія»

Па тэлефоне (+37517) 225-40-10 спецыялісты службы справаводства і кантролю выканання адкажуць на пытанні, звязаныя з дзейнасцю дзяржаўнага аб'яднання «Беларуская чыгунка».

Патэлефанаваць на «гарачую лінію» можна ў працоўныя дні з 08:00 да 12:00 і з 13:00 да 17:00.

Звяртаем увагу, што ў адпаведнасці з пастановай Савета Міністраў Рэспублікі Беларусь ад 23 ліпеня 2012 г. № 667 «Аб некаторых пытаннях работы са зваротамі грамадзян і юрыдычных асоб» грамадзяне і юрыдычныя асобы могуць звярнуцца на тэлефон «гарачай лініі» Беларускай чыгункі толькі па пытаннях даведачна-кансультацыйнага характару. Звароты, якія паступілі на «гарачую лінію», не падлягаюць рэгістрацыі.
Чытаць далей…
08 студзеня 2025
3 студзеня 2025 года ва Упраўленні Беларускай чыгункі прайшоў адзіны дзень бяспекі дарожнага руху

Перад чыгуначнікамі выступіў старшы інспектар аддзялення дарожна-патрульнай службы і прафілактыкі УДАІ ГУУС Мінгарвыканкама, капітан міліцыі Сяргей Ганчароў.

Сяргей Аляксандравіч растлумачыў дзеючае заканадаўства аб адміністрацыйнай і крымінальнай адказнасці за парушэнні правілаў дарожнага руху вадзіцелямі і пешаходамі. Акрамя таго, ён адказаў на шматлікія пытанні работнікаў Упраўлення Беларускай чыгункі, якія тычыліся канкрэтных сітуацый: ад кіравання веласіпедаў і самакатаў да пераезду чыгуначных пуцей мотаблокамі.
Чытаць далей…
03 студзеня 2025
Відэанавіны Беларускай чыгункі, снежань 2024 (168 выпуск)

Работнікі Беларускай чыгункі аддалі свае галасы ў падтрымку вылучэння кандыдатам у Прэзідэнты Рэспублікі Беларусь дзеючага Кіраўніка дзяржавы.

Начальнік дзяржаўнага аб'яднання «Беларуская чыгунка» Валерый Вярэніч здзейсніў рабочую паездку ў Брэсцкую вобласць.

Чытаць далей…