Паважаныя працаўнікі стальной магістралі! Дарагія ветэраны!

26 снежня 2024

Віншуем вас са 162-годдзем Беларускай чыгункі!

Будаўніцтва чыгункі на беларускай зямлі адыграла ключавую ролю ў сацыяльна-эканамічным развіцці нашай краіны.

За больш чым паўтаравекавую гісторыю Беларуская чыгунка прайшла вялікі шлях, умацавала свой статус, стала сучаснай і высокатэхналагічнай.

Сёння, як і шмат гадоў таму, чыгуначнікі з'яўляюцца надзейнай апорай дзяржавы і важным звяном у сістэме забеспячэння пасажырскіх і грузавых перавозак. Дзякуючы ўпартай працы і высокаму прафесіяналізму, пераемнасці пакаленняў і наватарству мы маем вялікія перспектывы для паляпшэння якасці аказваемых паслуг і выканання дзяржаўных задач.

Асаблівыя словы падзякі за працу ў гэты святочны дзень мы адрасуем тым, для каго чыгунка стала лёсам – нашым паважаным ветэранам.

Дарагія чыгуначнікі! Шчыра жадаем вам моцнага здароўя і мірнага неба, згоды і дабрабыту. Перакананы, што згуртаваны і ўпэўнены ў сваіх сілах калектыў Беларускай чыгункі будзе рухацца толькі наперад, выкарыстоўваючы свой патэнцыял на карысць развіцця роднай магістралі і ўсёй краіны.

Начальнік дзяржаўнага аб'яднання «Беларуская чыгунка»                                               В.Я. Вярэніч,

Старшыня Аб'яднанай галіновай прафсаюзнай
арганізацыі чыгуначнікаў і транспартных будаўнікоў                                                          І.С. Камароўскі,

Старшыня арганізацыі ветэранаў Беларускай чыгункі                                                       С.П. Гогалеў