Напярэдадні свайго Дня нараджэння Беларуская чыгунка атрымала перамогу ў Еўразійскай прэміі «Магістраль Awards»

30 снежня 2024

Цырымонія ўзнагароджання пераможцаў і лаўрэатаў Еўразійскай прэміі ў галіне транспарту і лагістыкі «Магістраль Awards» прайшла 19 снежня 2024 года ў г.Астане. Беларуская чыгунка стала пераможцам у намінацыі «Лідар лічбавай лагістыкі» з праектам «Аўтаматызаваная сістэма «Электронная перавозка». Дадзены праект быў створаны з мэтай цыфравізацыі чыгуначных грузавых перавозак і аказання транспартных і спадарожных паслуг.

Грузавыя чыгуначныя перавозкі па электронных дакументах ажыццяўляюцца на палігоне Беларускай чыгункі з 2012 года. У цяперашні час 5 краін з'яўляюцца актыўнымі карыстальнікамі дадзенага лічбавага сэрвісу.

Праект АС «Электронная перавозка» забяспечвае актыўны ўдзел Рэспублікі Беларусь у лічбавай трансфармацыі транспартна-лагістычнага комплексу шэрагу краін, будучы каталізатарам лічбавых міжнародных і ўнутрырэспубліканскіх чыгуначных перавозак. Праект знаходзіцца ў пастаянным развіцці, у перспектыве магчымы ўдзел у транзітных лічбавых чыгуначных перавозках грузаў на глабальных еўразійскіх маршрутах.

«Магістраль Awards» – гэта маштабная прэмія ў галіне транспарту ў краінах ЕАЭС і Цэнтральнай Азіі, якая заклікана садзейнічаць рэалізацыі задач па фарміраванні адзінай транспартнай прасторы ЕАЭС шляхам заахвочвання найбольш значных інтэграцыйных праектаў у галіне транспарту і лагістыкі.

У 2024 годзе на галіновы конкурс падалі заяўкі больш за сто ўдзельнікаў, сярод якіх вядучыя чыгуначныя, партовыя, лагістычныя кампаніі з Казахстана, Расіі, Беларусі, Азербайджана, Грузіі, Турцыі і г.д.

Таксама пераможцам у намінацыі «Надзейны міжнародны партнёр» стала дзяржаўнае прадпрыемства «Белінтэртранс» – афіцыйны экспедытар Беларускай чыгункі.

Сімвалічна, што такой прэстыжнай узнагароды Беларуская чыгунка ўдастоена ў Год якасці. Мы ўпэўнены, што дадзеная перамога – крок на шляху да далейшага развіцця лічбавых лагістычных сэрвісаў і павышэння якасці транспартнага абслугоўвання на Еўразійскай прасторы.

Інфармацыя падрыхтавана прэс-цэнтрам БЧ