5 снежня 2024 года ва Упраўленні Беларускай чыгункі абмеркавалі пытанні інфармацыйнай бяспекі
06 снежня 2024
У сувязі з павелічэннем у нашай краіне колькасці злачынстваў у сферы інфармацыйных тэхналогій, ва Упраўленні Беларускай чыгункі 5 снежня 2024 года адбылася сустрэча працоўнага калектыву з супрацоўнікам галоўнага ўпраўлення па супрацьдзеянні кіберзлачыннасці крымінальнай міліцыі Міністэрства ўнутраных спраў Рэспублікі Беларусь Ганнай Галінскай.
У цэнтры ўвагі былі пытанні прафілактыкі злачынстваў супраць уласнасці і інфармацыйнай бяспекі.
Адкрыў мерапрыемства намеснік Начальніка Беларускай чыгункі Ігар Казлоўскі. Ігар Анатольевіч адзначыў важнасць тэмы: «Інтэрнэт, несумненна, паляпшае якасць жыцця, паслуг, адкрывае шэраг перспектыў, але, з другога боку, непазбежна прыводзіць да з'яўлення новых рызык і пагроз, павелічэння колькасці кіберзлачынстваў. Для таго, каб атрымаць веды аб розных відах пагроз і навучыцца ад іх абараняцца, Беларуская чыгунка праводзіць дадзенае прафілактычнае мерапрыемства».
Звяртаючыся да прысутных, супрацоўнік галоўнага ўпраўлення па супрацьдзеянні кіберзлачыннасці крымінальнай міліцыі Міністэрства ўнутраных спраў Рэспублікі Беларусь Ганна Галінская падкрэсліла, што ў параўнанні з 2023 годам адзначаецца рост колькасці кіберзлачынстваў – больш чым на 25%. Асноўнымі пацярпелымі зламыснікаў становяцца эканамічна актыўныя жанчыны сярэдняга ўзросту з вышэйшай адукацыяй, якія маюць магчымасць аформіць крэдыт. Ганна Анатольеўна звярнула ўвагу на тое, што большасць грамадзян недастаткова інфармаваныя аб методыцы дзеянняў інтэрнэт-махляроў. Беларусы працягваюць фармальна адносіцца да абароны асабістых звестак у Інтэрнэце і паддавацца на хітрасці зламыснікаў.
Ганна Галінская распавяла пра найбольш распаўсюджаныя спосабы злачынстваў, якія здзяйсняюцца з дапамогай інфармацыйных тэхналогій: званкі пацярпелым пад выглядам супрацоўнікаў банка або праваахоўных органаў, а таксама на падставе куплі або продажу тавараў у сетцы Інтэрнэт. Яна зноў нагадала, як не стаць ахвярамі махляроў.
У завяршэнні сустрэчы першы намеснік начальніка службы інфармацыйных тэхналогій Упраўлення Беларускай чыгункі Яўген Саўчык адзначыў, што быў зафіксаваны шэраг спробаў супрацьпраўных дзеянняў у дачыненні да работнікаў беларускай магістралі непасрэдна на працоўным месцы. Ёсць прыклады шантажу шляхам рассылання фішынгавых лістоў на карпаратыўную пошту, а таксама званкі кібермахляроў на працоўныя тэлефоны кіравання БЧ. Дзякуючы дасведчанасці і пісьменным дзеянням спецыялістаў інфармацыйнай бяспекі, злачынцам не ўдалося дасягнуць сваіх мэтаў.
Варта адзначыць, што ў бягучым годзе сярод кіраўнікоў упраўлення БЧ было праведзена тэставае навучанне асновам інфармацыйнай бяспекі і лічбавай пісьменнасці, якое дало станоўчыя вынікі. У 2025 годзе плануецца арганізаваць падрыхтоўку ўсіх работнікаў Упраўлення Беларускай чыгункі па асновах інфармацыйнай бяспекі ў паўсядзённым жыцці і ў побыце.
Інфармацыя падрыхтавана прэс-цэнтрам БЧ
