13 снежня 2024 года з Мінска ў Маёнтак беларускага Дзеда Мароза адправіцца першы навагодні цягнік

13 снежня 2024

У перыяд калядных і навагодніх святаў турыстычны цэнтр «Дартур» Беларускай чыгункі традыцыйна рэалізуе праект «Падарожжа ў Маёнтак Дзеда Мароза» ў Нацыянальны парк «Белавежская пушча» на навагоднім цягніку.

У гэтым сезоне навагодні цягнік, які складаецца з купэйных вагонаў, будзе адпраўляцца са сталіцы Беларусі 13, 20, 24 снежня бягучага года, 6 і 10 студзеня 2025 года ў 22:45 і прыбываць у Брэст раніцай наступнага дня ў 07:50.

З вакзала станцыі Брэст-Цэнтральны ў Белавежскую пушчу турыстаў даставяць на камфартабельных аўтобусах, дзе госці правядуць цэлы дзень. Падарожнікаў чакае насычаная навагодняя экскурсійная праграма. Яны наведаюць Маёнтак беларускага Дзеда Мароза, дзе іх чакаюць упрыгожаныя ажурнай разьбой домікі, скульптуры казачных персанажаў, упрыгожаная навагодняя ёлка. Турысты таксама ўбачаць Церам Снягуркі, Чароўны млын, пабываюць на алеі знакаў Усходняга Календара, змогуць загадаць свае самыя патаемныя жаданні на паляне Дванаццаці Месяцаў.

Праграмай тура таксама прадугледжаны пачастунак усіх гасцей Маёнтка беларускага Дзеда Мароза смачнымі пышнымі блінамі і гарачай гарбатай на пушчанскіх травах ва ўтульна абсталяванай кавярні «Хата Дзеда Мароза», «фота-сафары» па Белавежскай пушчы з наведваннем зоавальернага комплексу і экскурсія ў музей прыроды.

У сталіцу з Брэста навагодні цягнік 14, 21 і 25 снежня бягучага года, 7 і 11 студзеня 2025 года будзе адпраўляцца ў 17:56 і прыбываць у Мінск 14 снежня ў 22.20, у астатнія дні – у 22.18. У дарозе пасажыраў чакае сустрэча з чыгуначным Дзедам Марозам і анімацыйная праграма.

Асаблівасць гэтага падарожжа ў тым, што ўдзельнікі тура з паездкі вернуцца ў Мінск на тым жа цягніку і на тых жа месцах, на якіх адправіліся ў падарожжа.

Падрабязна з праграмамі тураў турыстычнага цэнтра «Дартур» Беларускай чыгункі можна азнаёміцца на сайце https://www.rw.by/tourism_and_recreation/tours/.

Інфармацыя падрыхтавана прэс-цэнтрам БЧ