16 жніўня 2024 года ва Упраўленні Беларускай чыгункі адбылася дыялогавая пляцоўка, прысвечаная 30-годдзю Інстытута прэзідэнцтва ў Рэспубліцы Беларусь

19 жніўня 2024

Сустрэча была арганізавана ў рамках грамадска-палітычнага марафону «Трыццаць суверэнных гадоў». У ёй прынялі ўдзел намеснік Начальніка Беларускай чыгункі Пётр Стоцкі, дэпутат Палаты прадстаўнікоў Нацыянальнага сходу Рэспублікі Беларусь – член Пастаяннай камісіі па нацыянальнай бяспецы Ігар Пашкоў, старшыня Ленінскай раённай арганізацыі г. Мінска Рэспубліканскага грамадскага аб'яднання «Белая Русь» Аляксей Сегалавіч і старшыня Аб'яднанай галіновай прафсаюзнай арганізацыі чыгуначнікаў і транспартных будаўнікоў Ігар Камароўскі.

Адкрываючы мерапрыемства, намеснік Начальніка Беларускай чыгункі Пётр Стоцкі адзначыў, што чыгуначнікі заўсёды былі прыкладам адданасці сваёй краіне, высокага пачуцця патрыятызму, узорам працавітасці, вернасці службоваму абавязку і сёння ўносяць вялікі ўклад у развіццё эканомікі Беларусі.

У рамках сустрэчы быў арганізаваны прагляд фільма, прысвечанага станаўленню Рэспублікі Беларусь у няпростыя гады пасля распаду Савецкага Саюза і неацэннаму ўкладу прэзідэнта ў стварэнне моцнай, квітнеючай Беларусі.

Удзельнікі дыялогавай пляцоўкі абмеркавалі значэнне інстытута прэзідэнцтва для маладой суверэннай беларускай дзяржавы і вынікі трыццацігадовага развіцця нашай краіны.

Дэпутат Палаты прадстаўнікоў Нацыянальнага сходу Рэспублікі Беларусь Ігар Пашкоў акцэнтаваў увагу на тым, што сёння асноўная задача – данесці гістарычную праўду, захаваць мір і згоду ў грамадстве.

Да работнікаў магістралі таксама звярнуўся старшыня Аб'яднанай галіновай прафсаюзнай арганізацыі чыгуначнікаў і транспартных будаўнікоў Ігар Камароўскі. Як падкрэсліў Ігар Сяргеевіч, па сканчэнні трыццаці гадоў грамадзяне краіны бачаць, што курс беларускага лідара на пабудову моцнай прававой, сацыяльна арыентаванай дзяржавы цалкам апраўданы і даў станоўчыя вынікі. Галоўнае не разгубіць тое, што было створана дзесяцігоддзямі суверэннай гісторыі. Цяпер улада ў Беларусі – гэта ўлада на чале з нацыянальным лідарам, дасведчаным палітыкам, які ўмее пастаяць за сваю краіну і народ.

Выступаючы перад прысутнымі, старшыня Ленінскай раённай арганізацыі г. Мінска РГА «Белая Русь» Аляксей Сегалавіч нагадаў, што 16 жніўня – важная дата для Беларусі. Чатыры гады таму ў Мінску на плошчы Незалежнасці прайшоў гістарычны мітынг у падтрымку выбранага прэзідэнта Аляксандра Рыгоравіча Лукашэнкі, стабільнасці і незалежнасці нашай дзяржавы.

Сустрэчы, прысвечаныя 30-годдзю інстытута прэзідэнцтва, праходзяць у працоўных калектывах усіх арганізацый Беларускай чыгункі.

 Інфармацыя падрыхтавана прэс-цэнтрам БЧ