З 5 чэрвеня 2024 года прызначаны цягнікі ў памежных прыгарадных чыгуначных зносінах па маршрутах Вялікія Лукі – Алешча і Навасакольнікі – Алешча

04 чэрвеня 2024

У мэтах умацавання сувязяў паміж рэгіёнамі Рэспублікі Беларусь і Расійскай Федэрацыі Беларускай чыгункай і ААТ «РЖД» адноўлены прыгранічныя прыгарадныя чыгуначныя зносіны па маршрутах Вялікія Лукі – Алешча і Навасакольнікі – Алешча.

Цягнікі № 6655 Вялікія Лукі – Алешча, № 6656 Алешча – Навасакольнікі, № 6657 Навасакольнікі – Алешча і № 6658 Алешча – Вялікія Лукі будуць курсіраваць па серадах.

У 6:57 з Вялікіх Лук будзе адпраўляцца цягнік № 6655 Вялікія Лукі – Алешча і прыбываць у Алешчу ў 9:57.

У 10:07 з Алешчы адправіцца цягнік № 6656 Алешча – Навасакольнікі з прыбыццём у Навасакольнікі ў 12:46.

У 12:55 з Навасакольнікаў будзе адпраўляцца цягнік № 6657 Навасакольнікі – Алешча і прыбываць у Алешчу ў 15:44.

У 15:54 з Алешчы адправіцца цягнік № 6658 Алешча – Вялікія Лукі з прыбыццём у Вялікія Лукі ў 18:48.

Цягнікі Вялікія Лукі – Алешча і Навасакольнікі – Алешча будуць абслугоўвацца саставам рэйкавага аўтобуса серыі РА-2 фарміравання Расійскіх чыгунак.

Час у дарозе складзе каля 3-х гадзін. Расклад дадзеных цягнікоў узгоднены па часе з цягнікамі ў зносінах Полацк – Алешча – Полацк, якія курсіруюць таксама па серадах.

У 8:36 з Полацка будзе адпраўляцца цягнік № 6652 Полацк – Алешча і прыбываць у Алешчу ў 9:37.

У 10:41 з Алешчы адправіцца цягнік № 6651 Алешча – Полацк з прыбыццём у Полацк у 11:43.

У 14:17 з Полацка будзе адпраўляцца цягнік № 6654 Полацк – Алешча і прыбываць у Алешчу ў 15:18.

У 16:13 з Алешчы адправіцца цягнік № 6653 Алешча – Полацк з прыбыццём у Полацк у 17:15.

Звяртаем увагу, што афармленне праезду ў цягніках будзе ажыццяўляцца ў дарозе раз'язнымі кантралёрамі-касірамі пасля перасячэння дзяржаўнай мяжы (на тэрыторыі Расійскай Федэрацыі) за наяўны і безнаяўны разлік у расійскіх рублях.

Пры правядзенні кантролю аплаты праезду кантралёрамі-касірамі і афармленні разавага праязнога дакумента (білета) пасажырам неабходна будзе прад'явіць дакументы, якія сведчаць асобу грамадзяніна Рэспублікі Беларусь або Расійскай Федэрацыі. У выпадку адсутнасці названых дакументаў праезд забаронены.

Больш падрабязна з правіламі праезду ў цягніках прыгранічных прыгарадных чыгуначных зносін па маршрутах Вялікія Лукі – Алешча і Навасакольнікі – Алешча, пералікам дакументаў, якія неабходна мець пры сабе ў цягніку, можна азнаёміцца на афіцыйным інтэрнэт-сайце Беларускай чыгункі ў раздзеле Паслугі пасажырам/Даведачная інфармацыя, а таксама ў Кантакт-цэнтры Беларускай чыгункі па тэлефоне 105.

Інфармацыя падрыхтавана прэс-цэнтрам БЧ