Вынікі чыгуначнага конкурсу па ахове працы ў 2023 годзе падвялі на Беларускай чыгунцы

26 чэрвеня 2024

У конкурсе прынялі ўдзел арганізацыі і адасобленыя структурныя падраздзяленні Беларускай чыгункі. У дарожную камісію былі прадстаўлены матэрыялы па розных намінацыях. Іх прааналізавалі і ацанілі эксперты. Таксама прэтэндэнты паказалі свой прафесійны ўзровень у ходзе праверкі ведаў па пытаннях аховы працы. За кожны з этапаў выстаўляліся балы. Па іх суме былі вызначаны пераможцы.

Па выніках конкурсу ў намінацыі «Лепшы спецыяліст па ахове працы Беларускай чыгункі» ў 2023 годзе перамагла інжынер па ахове працы Віцебскага вагоннага ўчастка Віцебскага аддзялення Алена Галдаевіч.

У намінацыі «Лепшае працоўнае месца па ахове працы Беларускай чыгункі» ў 2023 годзе прызналі працоўнае месца начальніка варты Ваенізаванай аховы БЧ стралковай каманды на станцыі Калінкавічы.

Першае месца ў намінацыі «Лепшае аддзяленне Беларускай чыгункі па ахове працы» ў 2023 годзе ў Брэсцкага аддзялення магістралі. Другое месца ў Віцебскага аддзялення БЧ, трэцяе – у Гомельскага.

У намінацыі «Лепшае ўнітарнае прадпрыемства Беларускай чыгункі па ахове працы» перамог цэнтр механізацыі пуцявых работ БЧ. На другім месцы Рэспубліканскае транспартна – экспедыцыйнае ўнітарнае прадпрыемства «Белінтэртранс – транспартна-лагістычны цэнтр» беларускай магістралі. На трэцім – праектна-вышукальнае Рэспубліканскае ўнітарнае прадпрыемства «Інстытут «Белжэлдарпраект»

Акрамя таго, у намінацыі агляду-конкурсу «Лепшае адасобленае структурнае падраздзяленне (філіял) Беларускай чыгункі па ахове працы» першае месца прысудзілі ваенізаванай ахове БЧ.

На Беларускай чыгунцы штогод праводзіцца комплекс мерапрыемстваў, накіраваных на паляпшэнне ўмоў працы і захаванне здароўя працаўнікоў галіны: абнаўляюцца і мадэрнізуюцца тэхнічныя сродкі, укараняюцца сучасныя тэхналогіі, удасканальваецца нарматыўная прававая база, паляпшаюцца санітарна-бытавыя ўмовы.

Інфармацыя падрыхтавана прэс-цэнтрам БЧ