Пасяджэнне міждзяржаўнага тэхнічнага камітэта па стандартызацыі МТК 524 «Чыгуначны транспарт» прайшло ў Мінску

31 мая 2024

30 мая 2024 года ў Мінску адбылося штогадовае пасяджэнне міждзяржаўнага тэхнічнага камітэта па стандартызацыі МТК 524 «Чыгуначны транспарт».

У мерапрыемстве прынялі ўдзел больш за 60 экспертаў з дзяржаў-удзельніц Міждзяржаўнага савета па стандартызацыі, метралогіі і сертыфікацыі (МДС), уключаючы прадстаўнікоў чыгуначных адміністрацый краін МДС, а таксама арганізацый – членаў Асацыяцыі «Аб'яднанне вытворцаў чыгуначнай тэхнікі» (АВЧТ).

Пасяджэнне ўзначаліў Валянцін Гапановіч, старшыня МТК 524, прэзідэнт АВЧТ.

З прывітальным словам да ўдзельнікаў мерапрыемства звярнуўся галоўны інжынер Беларускай чыгункі Сяргей Навадворскі. Ён адзначыў важнасць узаемадзеяння з МТК 524 «Чыгуначны транспарт», а таксама актыўную дзейнасць вытворцаў прадукцыі і эксплуатуючых арганізацый чыгуначнага сектара эканомікі па разглядзе праектаў міждзяржаўных стандартаў, вывучэнні перспектыўных патрабаванняў да прадукцыі чыгуначнага прызначэння.

У ходзе мерапрыемства былі падведзены вынікі работы міждзяржаўнага тэхнічнага камітэта за 2023 год і пазначаны задачы на 2024-ы.

Прадстаўнікамі МТК 524 праводзілася работа па распрацоўцы і ўзгадненні стандартаў. Усяго ў 2023 годзе было разгледжана і ўзгоднена 25 канчатковых рэдакцый праектаў міждзяржаўных стандартаў і праектаў змяненняў стандартаў. Дадзеныя стандарты накіраваны на паляпшэнне якасці чыгуначнага рухомага саставу, які выпускаецца, яго састаўных частак, а таксама аб'ектаў і элементаў інфраструктуры чыгуначнага транспарту.

Акрамя таго, на пасяджэнні размова ішла аб дасягненнях МТК 524 у прошлым годзе. Міждзяржаўны Тэхнічны камітэт увайшоў у групу МТК з найлепшымі вынікамі ацэнкі эфектыўнасці, а таксама ў тройку лідэраў міждзяржаўнай стандартызацыі. МТК 524 прысвоены статус «Лідар у міждзяржаўнай стандартызацыі–2022».

Начальнік службы стандартызацыі, метралогіі, сертыфікацыі і кіравання якасцю – галоўны метролаг Беларускай чыгункі Уладзімір Фралоў праінфармаваў аб праводзімай рабоце БЧ па стандартызацыі ў рамках МТК 524. Ён акцэнтаваў увагу на рэалізацыі задач, якія стаяць перад беларускай магістраллю ў Год якасці.

На пасяджэнні таксама выступілі прадстаўнікі Казахстанскай і Кыргызскай чыгунак, якія паведамілі аб выніках работы і дасягненнях тэхнічнага камітэта па стандартызацыі ТК 40 «Чыгуначны транспарт».

За шматгадовую добрасумленную працу, ініцыятыўны і плённы ўдзел у распрацоўцы міждзяржаўных стандартаў у галіне чыгуначнага транспарту калектыў Беларускай чыгункі быў адзначаны Ганаровай граматай Асацыяцыі «Аб'яднанне вытворцаў чыгуначнай тэхнікі». Таксама на мерапрыемстве адбылося ўручэнне падзяк спецыялістам, якія ўдзельнічаюць у рабоце МТК 524.

Інфармацыя падрыхтавана прэс-цэнтрам БЧ